ئارته‌شا تركیێ و باله‌فرێن وێ ئێن جه‌نگی، ئیرۆ 14 گه‌ریلا ئێن پارتا كاكه‌رێن كوردستانێ ل باكوور و باشوورێ كوردستانێ به‌رته‌ره‌ف كرن.
ل گۆری داخۆیانیا وه‌زاره‌تا كارێن هوندر ئا تركیێ، ئیرۆ و د چارچووڤه‌یا ئۆپه‌راسیۆنا ب ناڤێ په‌نج 3 ده، قاسی 7 گه‌ریلا ئێن په‌كه‌كێ ل ناڤچه‌یا حه‌فته‌نیێ ئا باشوورێ كوردستانێ هاتنه به‌رته‌ره‌ف كرن.
هه‌ر وها هات ئه‌شكه‌ره كرن، ل ناڤچه‌یه‌كه سێرتێ ژی هه‌موه‌ختا ئۆپه‌راسیۆنا باشوورێ كوردستانێ، یه‌كینه‌یێن فه‌رمانداریا جه‌ندرمه‌یان، كارین قاسی 7 گه‌ریلا ل ور ژی به‌رته‌ره‌ف بكن، ھەر وھا د ئۆپەراسیۆنێ ده گەلەک چەک و موھیماتێن په‌كه‌كێ ژی ھاتن ئیمھاکرن.
وه‌زاره‌تا كارێن هوندر ئا تركیێ د به‌یانه‌كه نڤیسكی ده خوه‌یاكر، ل ھەرێمێ و ناڤچه‌یێن سێرتێ، ئۆپەراسیۆن د دۆمه.
ئارته‌شا تركیێ ئۆپه‌راسیۆنا كو ناڤێ په‌نج لێ كرنه هه‌یامه‌كه ده‌ستپێكرنه، نها ئه‌و ئۆپه‌راسیۆن د قۆناغا سێیه‌مین ده یه، وه‌كه وه‌زاره‌تا پاراستنا نه‌ته‌وه‌ئی ئا تركیێ د ده خوه‌یاكرن، وان پێتری 400 گه‌ریلایێن په‌كه‌كێ د په‌نجێ ده، به‌رته‌ره‌ف كرنه.
لێ به‌لێ ل ئالێ دنێ جه‌نگێ، پارتا كاركه‌رێن كوردستانێ و بالا وێ ئا له‌شكری هێزێن پاراستنا گه‌ل هه‌په‌گێ، تو جاره‌كێ وان ئامارێن و داتایێن زرارێن په‌كه‌كێ ئێن ئالێ تركان ئیلان دكن، نه دره‌واندنه.
