توركیا په‌كه‌كه‌ ل جهه‌كی پر گرنگ یێ چه‌مانكێ بۆردۆمان كر

توركیا په‌كه‌كه‌ ل جهه‌كی پر گرنگ یێ چه‌مانكێ بۆردۆمان كر

په‌كه‌كه‌ هه‌ولا لێدانا ژێرخانا ئابووری ل باشوورێ كوردستانێ دكه‌ت

فرۆكێن له‌شكری یێن سپایێ تركیێ، ئیرۆ خالێن پارتا كاركه‌رێن كوردستانێ په‌كه‌كێ، ل سنۆرێ ناڤچه‌یا چه‌مانكێ بۆردۆمان كرن، هه‌ر چه‌ند  كو زیان هێژ نه‌خوه‌یانه‌، لێ ئێریشا ئه‌ڤ جار ل نێزیكیا پالاوگه‌هێن په‌ترۆلێ هاتنه‌ كرن.

ئێریشێن سپایێ تركیێ ل سه‌ر چه‌كدارێن په‌كه‌كێ ل باكوور و باشوورێ كوردستانێ به‌رده‌وامن، ئێڤارا ئیرۆ رۆژا چارشه‌مب 2/10/2019ێ، فرۆكێن جه‌نگی خالێن په‌كه‌كێ ل سینۆرێ ناڤچه‌یا چه‌مانكێ یا گرێدای پارێزگه‌ها دهۆكێ كرنه‌ ئامانج.

زانیاریێن كو ب ده‌ست داركا مازیێ كه‌تنه‌ خوه‌یا دكن، فرۆكێن تركیێ دو رۆكێت ل ناڤچه‌یا حسارا بیریكات ل ئاقارێ گوندێ بیریكات یێ گرێدای ناڤچه‌یا چه‌مانكێ ل سینۆرێ ده‌ڤه‌را گاره‌، هاڤێتنه‌ په‌كه‌كێ.

هه‌روه‌ها جهێ كو ئه‌ڤ جار كه‌تییه‌ به‌ر ئێریش و بۆردۆمانێن تركیێ، ب دووراتیا 800 مه‌تران بوون ژ پالاوگه‌هێن په‌ترۆلێ، ئه‌ڤ ژی وێ د سه‌لمینیت كو په‌كه‌كه‌ دخوازه‌ ژێرخانا ئابوورا هه‌رێما باشوورێ كوردستانێ راسته‌راست ئامانج بكه‌.

ل رۆژێن رابووری فرۆكێن تركیێ چه‌ند ئێریش كرنه‌ سه‌ر لڤینێن چه‌كدارێن په‌كه‌كێ ل سینۆرێ پارێزگه‌ها دهۆكێ، پێتری 5 چه‌كداران ژی كوشتنه‌.

هه‌ر چه‌ند كو خه‌لكێ ناڤچه‌یێ نه‌رازیبوون ژ نێزیكیا په‌كه‌كێ بۆ سینۆرێ گوندان و جهێ روونشتڤانێن سڤیل هه‌یه‌، ئه‌و دخوازن په‌كه‌ك دووری ناڤچه‌یێن وان ببه‌، داكو زیانا ئێریشێن تركیێ نه‌گه‌هه‌ وان.

ئێریشا ئێڤارا ئیرۆ یا سینۆرێ ناڤچه‌یا چه‌مانكێ ل وه‌خته‌كی یه‌ كو چه‌ند كومپانیێن بیاڤێ په‌ترۆلێ یێن جیهانێ، كارێ به‌رهه‌مئانینا په‌ترۆلێ ب هه‌رێما كوردستانێ دكن، په‌كه‌كێ ئیرۆ ل سینۆرێ پارێزگه‌ها دهۆكێ خوه‌ نێزیكی یه‌ك ژ پالاوگه‌هێن په‌ترۆلێ كر، لێ ئه‌و ب دووراتییا 800 م ژ بنگه‌ها وان پالاوگه‌هان بوونه‌ ئامانجا رۆكێتێن تركیێ.