هكوومه‌تا ئالمانیایێ جاره‌كه دن ژ به‌ر ئێریشا تركیێ ئا ل سه‌ر رۆژئاڤا كوردستانێ هشیاری دا ئه‌نقه‌رێ و فرۆتنا چه‌كان ب تركیێ سه‌كناند.
ل گور پێگه‌ها رۆژنامه‌یا ئێندیپێندێنتێ، شێوه‌رمه‌ندا ئالمانیایێ ئه‌نگێلا مه‌ركێل ل په‌رله‌مه‌نتۆیا ولاتێ خوه گۆتار خوه‌ند و وه‌ها به‌هسا هه‌سه‌دێ و هێزێن كوردی كر: ل رۆژێن بووری دە، ل ھەمبەر ئێریشا ل سەر ئارته‌شا کورد، من ھشیاری دا ترکیێ، ئیرۆ ئەز جارەکە دن دبێژم دڤێ ئه‌ڤ ئێریش وه‌ره سه‌كناندن.
مه‌ركێل گۆت: رەوشا نھا و پرسێن کو چێدبن، درامایه‌كه مرۆڤی یە، رەوشا کو نھا ل باکوورێ سووریێ ھەیە، دێ باندۆرێن وێ یێن جیۆپۆله‌تیك ھەبن، هكوومه‌تا ئالمانیایێ تو چه‌كان ب تركیێ نا شینه.
ئەڤ یەک د دەمەکێ دەیە، تەنێ د سالا 2018ان دە ئالمانیایێ ب قاسی 243 ملیۆن یۆرۆیان چەک فرۆشتنە ترکیێ، هه‌ر یه‌ك ژ ولاتێن فرانسایێ، ئیتالیا، ئێسپانیا، نورۆیجێ و سوێدێ، هه‌موه‌خت هۆله‌ندایێ و چیكێ فرۆشتنا چه‌كان ب تركیێ ب سه‌ده‌ما ئێریشا سه‌ر رۆژئاڤا كوردستانێ سه‌كناندنه.
