سه‌ناتۆرێ ئه‌مه‌ریكی لێندسی گراهام د جڤینه‌كه تێله‌فوونی ده ل گه‌ل فه‌رماندارێ هێزێن سووریایا ده‌مۆكراتیك نیقاشا ئاڤاكرنا هه‌رێما ئه‌وله‌هیێ كر و گۆت كو نابه ئه‌و هه‌رێم ببه سه‌ده‌ما قركرنا گه‌لێ كورد.
سەناتۆرێ دیار ئێ ئه‌مه‌ریكایێ ژ پارتییا كۆماریان، لێندسی گراھام راگھاند، وی پەیوەندیا تەلەفۆنی دگەل فەرماندارێ هێزێن سووریایا ده‌مۆكراتیك مەزلووم ئەبدی ئەنجام دایە و پێره گۆتیه كو ھەولێن ئیدارەیا ترامپ ژ بۆ سه‌كناندنا شەر بلند نرخاندیە.
لێندسی گراهام دوهـ شه‌ڤێ 18/10/2019ان، ل ئه‌كاونتا خوه ئا تویته‌رێ نڤیساندبوو: مەزلووم ئەبدی دلگرانیا خوە ژ رێکەفتنێ نیشان دایە و راگھاندیە، ب تو ئاوایەکی قەبوول ناکن قرکرنا نژادی ل ھەمبەر کوردان بێ کرن.
گراھام، ناڤەرۆکا پەیوەندیا خوە یا تەلەفۆنی ئەشکەرە کریە و بەھسا وێ یەکێ دکە، ناڤچەیا ئارام ژ ئالیێ کوردان ڤە ھاتیە قەبوول کرن، لێ به‌لێ ئۆپەراسیۆنێن لەشکری دبن سەدەما ئاوارەبوونا ب سەدان ھەزار کەسان، ب ڤان هه‌نگاڤان هه‌رێما ئه‌وله‌هیی ئاڤا نابه و ئەو یەک قرکرنە.
سیناتۆر گراهام دبێژه: ئه‌و ھێڤیدارە ره‌وشه‌ك وها ده‌ركه‌ڤه هۆلێ کو تو ئالیەک زرارێ نەبینە و دبێژە، ئەو وەک مەزلووم ئەبدی دلگرانە، و وی ژێرە گۆتیە: ئەو ژ نێزیک ڤە هایداری رەوشێ دبە و د وێ ئالۆزیێ دە، کۆنگرێس دگەل کوردان ھەڤسۆزە.
