مه‌سه‌ده‌: 350 هه‌زار كوردێن رۆژئاڤا كۆچبه‌ر بوونه‌

مه‌سه‌ده‌: 350 هه‌زار كوردێن رۆژئاڤا كۆچبه‌ر بوونه‌

ئه‌جوومه‌نا سووریایا ده‌مۆكراتیك ئیرۆ ئه‌شكه‌ره‌ كر، ژ ده‌ستپێكا ئێریشا داگیركاری ئا تركیێ ل سه‌ر رۆژئاڤا كوردستانێ، 350 هه‌زار ولاتی كۆچبه‌ر بوونه‌.

ئه‌نجوومه‌نا سووریایا ده‌مۆكراتیك ئیرۆ رۆژا یه‌كشه‌می 20/10/2019ان كۆنفه‌ره‌نسه‌كه‌ چاپه‌مه‌نیێ ل باژارێ قامشلۆیێ ل دارخست و تێده‌ ئامار و هۆرگلیێن ئێریشا داگیركاری ئا تركیێ ئه‌شكره‌ كرن.

مه‌سه‌ده‌ دبێژه‌: ژ ده‌ستپێكا ئێرییشا داگیركاری ئا تركیێ ل سه‌ر رۆژئاڤا كوردستانێ، 350 هه‌زار ولاتی كۆچبه‌ر بوونه‌ و جی و وارێ خوه‌ ژ نه‌چاری هشتنه‌.

هه‌موه‌خت ئه‌شكه‌ره‌ كر، بێهتری 235 سڤیلان شه‌هید كه‌تنه‌، 22 ژ وان زارۆنه‌، 667 بریندارێن شه‌ر ئێن سڤیل ژی هه‌نه‌.

ئه‌نجوومه‌نا سووریایا ده‌مۆكراتیك دبێژه‌: ژ ده‌ستپێكا ئاگربه‌ستێ، تركیێ ئێریش و تۆپباران كرنه‌ و ته‌نێ ژ ده‌ستپێكا ئاگربه‌ستا 17 ئۆكتۆبه‌رێ 22 ولاتی شه‌هید كه‌تنه‌.

ئارته‌شا تركیێ ل 9 ئۆكتۆبه‌را جۆتمه‌ها 2019ان، ئێریشا سه‌ر رۆژئاڤا كوردستانی ژبۆ ئاڤاكرنا هه‌رێما ئه‌وله‌هیێ ده‌ست پێ كربوو، زرارێن هه‌ری زێده‌ ب گه‌لێ رۆژئاڤا خستنه‌.