70% ئا خوه‌پێشانده‌رێن ئیراقێ نیشانشكێنان كوشتنه‌

70% ئا خوه‌پێشانده‌رێن ئیراقێ نیشانشكێنان كوشتنه‌

هكوومه‌تا فه‌ده‌رال راپۆرا له‌كۆلینا ل ده‌ربارا سه‌ده‌ما مرنا خوه‌پێشانده‌رێن رۆژین رابووری ب داوی ئانی و ئه‌شكه‌ره‌ بوو، كه‌سێن كو هاتنه‌ كوشتن، پرانی ئا هه‌ری زێده‌ یا وان ب گوللـه‌یێن نیشان شكێنان بوونه‌ قوربانی.

كۆمیته‌یه‌كه‌ تایبه‌ت كو هكوومه‌تا فه‌ده‌رال ژ بۆ له‌كۆلینێ ل ده‌ربارا سه‌ده‌مێن كوشتنا خوه‌پێشانده‌رێن قادا ته‌حریرێ ئا به‌خدایێ هه‌موه‌خت خوه‌پێشانده‌رێن باژارێن باشوور و ناڤه‌راستا ولات، راپۆرا خوه‌ ئا له‌كۆلینێ ب داوی ئانی.

كۆمیتا هكوومه‌تێ وها د راپۆرێ ده‌ نڤیساندیه‌: د خوه‌پێشاندانێن رووژێن رابووری ده‌، هه‌ری كێم 149 كه‌س هاتنه‌ كوشتن، ئه‌ڤ هه‌ژمار ب گوللـه‌ و ته‌قه‌یا راسته‌ راست بوونه‌ قوربانی.

هه‌ر وها ئه‌شكه‌ر كر، پرانیا هه‌ری زێده‌ ئا خوه‌پێشانده‌رێن كو هاتنه‌ كوشتن، ب گوللـه‌یێن نیشان شكێنان بوونه‌ قوربانی، گوللـه‌ ب سه‌رێ وان سینگا وان كه‌تنه‌.

كۆمیتا هكوومه‌تێ ب هه‌ژمار دبێژه‌: 70% ئا كه‌سێن د خوه‌پێشاندانان ده‌ هاتنه‌ كوشتن، گوللـه‌یێن نیشان شكێنان سه‌ده‌ما جانژده‌ستدانا وان بوویه‌، راپۆرێ هه‌ژماره‌كه‌ رایه‌دارێن ئیراقی ب كوشتنا خوه‌پێشانده‌ران سووچبار كرنه‌، لێ به‌لێ ت شكباریه‌ك ژ بۆ ئادل ئه‌بدولمه‌هدی ئێ سه‌رۆك وه‌زیرێ ئیراقێ نه‌كریه‌.

ل هه‌فتیا رابووری هنه‌ك به‌رپرسیارێن ئیراقا فه‌ده‌رال راگهاندبوون، ئیرانێ هه‌ژماره‌كه‌ نیشان شكێنێن چه‌ته‌ د ناڤا خوه‌پێشاندانین ئیراقێ ده‌ پارڤه‌كربوون، ژ بۆ كو ولاتیێن سڤیل بكه‌نه‌ ئارمانج و ره‌وش ژ بن كۆنترۆلێ ده‌ركه‌ڤه‌.