كۆچكا سه‌رۆكتیا رووسیا فه‌ده‌رال گه‌فێن توند دان یه‌كینه‌یێن پاراستنا گه‌ل و پێره گۆ كو گه‌ر هوون پاشڤه نه‌زڤرن، وێ ببن نێچیرا ئارته‌شا تركان.
كۆچكا سه‌رۆكتیا رووسیا فه‌ده‌رال كرێملنێ ئیرۆ رۆژا چارشه‌می 23/10/2019ان ل سه‌ر زارێ به‌رده‌ڤكێ خوه دێمتری پسكۆف داخویانی ل ده‌ربارا لهه‌ڤهاتنا ل گه‌ل تركیێ دا و وها تێده گۆت: پێویسته یه‌په‌گه ژ ناڤچه‌یێن هه‌رێما ئه‌وله‌هیێ ڤه‌كشه، ئه‌گه‌ر نه وێ ببن نێچیرا ئێریشێن تركیا.
پسكۆف دبێژه: ئه‌مریكا نێزیكترین دۆست و هه‌ڤپه‌یمانێن كوردان بوو، لێ به‌لێ وان ئیخانه‌ت كر و پشت دانێ.
هه‌موه‌خت ئه‌شكه‌ره كر، گه‌ر ب ئه‌مه‌ریكایێ به، كورد وێ ل خه‌تا ته‌ماسێ هه‌ره‌كه‌تێن خوه بدۆمینن و وێ ته‌ڤلی جه‌نگه‌كه بێ داوی ل گه‌ل تركیێ ببن.
به‌رده‌ڤكێ كۆچكا سه‌رۆكتیا رووسیا گه‌له‌ك ب زه‌لال ئاخڤی و گۆت: گه‌ر كورد ڤه‌نه‌كشن، ل وێ ده‌مێ وێ ببن نێچیره‌ك ژ بۆ ئارته‌شا تركیێ.
دوهـ رۆژا سێشه‌می ولاتێن تركیێ و رووسیا فه‌ده‌رال لهه‌ڤهاتنه‌ك ل ده‌ربارا باكوورا رۆژهلاتا سووریێ ل باژارێ سۆچی ئیمزه كرن، ل گور وی لهه‌ڤهاتنێ، پێویسته هێزێن كوردی ب كووراهییا 30 كیلۆمه‌تران ژ ناڤچه‌یێن كو وێ ببن هه‌رێما ئارام پاشده بزڤره.
