ئیراقێ ئینیه‌كه‌ پڕ ب خوین ده‌رباس كر

ئیراقێ ئینیه‌كه‌ پڕ ب خوین ده‌رباس كر

42 خوه‌پێشانده‌ر كوشتی و نێزی 2500ان بریندار كه‌تنه‌

دوهـ خوه‌پێشاندان ل 12 پارێزگه‌هیێن ئیراقێ هاتن كرن و هه‌ر د زوو ده‌ په‌ڤچوون چێبوو و د ئه‌نجامێ ده‌، 42 هه‌مولاتی ژیان ژ ده‌ست دان و نێزی 2500ان بریندار كه‌تنه‌، ئینیه‌كه‌ پڕ ب خوین ده‌رباس كر.

كۆنسه‌یا مافێن مرۆڤان ل ئیراقا فه‌ده‌رال ئیرۆ رۆژا شه‌می 26/10/2019ان پێزانینێن كوشتی و بریندارێن خوه‌پێشاندانێن دوهـ  رۆژا ئینی 25 جۆتمه‌هێ ل ته‌ڤایا ولات به‌یانه‌كه‌ نڤیسكی ده‌ ئه‌شكه‌ره‌ كر و وها نڤیساند‌: ل ته‌ڤ پارێزگه‌هیێن كو خوه‌پێشاندان تێده‌ چێبوونه‌، 42 هه‌مولاتی هاتنه‌ كوشتن و نێزی 2500 هه‌مولاتیان بریندار كه‌تنه‌.

كونسه‌یا مافێن مرۆڤان ته‌سبیت كر، بۆمبێن گازا رۆندكرێژ و ته‌قه‌یا راسته‌ راست و شه‌وات، سه‌ده‌مین سه‌ره‌كه‌ یێن جان ژده‌ستدانا خوه‌پێشانده‌ران بوونە.

هه‌موه‌خت ئیشاره‌ت كر، هنه‌ك ژ خوه‌پێشانده‌ران ب سه‌ر باره‌گه‌هه‌كه‌ حزبی ده‌ گرتن و شه‌وتاندن، لێ به‌لێ 12 كه‌سێن كو ئه‌ڤ كار كری د باره‌گه‌هێ ده‌ ئاسێ مان و ژیانا خوه‌ ژ ده‌ستدان پشتی كو جه‌سه‌دا وان ب ته‌مام شه‌وتی.

ته‌ڤی كو زرارێن جانی پر بوون، كونسه‌یا مافێن مرۆڤان دبێژه:‌ پێتر ژ 50 باره‌گه‌هێن هكوومه‌تا فه‌ده‌رال و یێن پارتیێن سیاسی زرارێن مه‌زن پێ كه‌تنه‌ و زێده‌ یا وان باره‌گه‌هان هاتن شه‌وتاندن.