پۆلیسێن له‌شكری ئێن رووسیا فه‌ده‌رال، ئیرۆ گه‌ره‌كه دن ئا چاڤدیریێ ل ناڤه‌چه‌یێن سینۆری ئێن تركیێ و سووریێ پێك ئانی، ب مه‌به‌ستا ته‌ئقیبا ڤه‌كشاندنا هێزێن سووریایا ده‌مۆكراتیك.
سه‌رۆكێ رووسیا فه‌ده‌رال و سه‌رۆكێ تركیێ ل سه‌ر ڤه‌كشاندنا هێزین سووریایا ده‌مۆكراتیك هه‌سه‌ده لهه‌ڤاتن كرنه، ل گور لهه‌ڤهاتنێ، هه‌سه‌ده وێ ب كووراهیا 30 كم ژ ناڤچه‌یێن كو وێ ببن هه‌رێما ئه‌وله‌هییێ ڤه‌كشه، ڤه‌كشینا هێز و چه‌كێن وی ژی د دۆمه.
رووسیا فه‌ده‌رال وه‌كه د ل هه‌ڤهاتنا سۆچیێ ده هاتی ته‌سبیت كرن، پۆلیسێن له‌شكری ل باكوورێ رۆژهلاتا سووریێ ل رۆژهلاتا فراتێ بجی كرنه، ب مه‌به‌ستا چاڤدێریا ڤه‌كشینا هه‌سه‌دێ و هه‌ر وها یه‌كینه‌یێن پاراستنا گه‌ل یه‌په‌گێ و ئیرۆ رۆژا دوشه‌می 28/10/2019ان، پۆلیسێن رووسیایێ گه‌ره‌كه دن ئا چاڤدێریێ ل ناڤچه‌یێن قامشلۆیێ، كه‌فیره كۆزا و ئه‌عجه‌میێ پێكئانین و ته‌ئقیبا ڤه‌كشینا هه‌سه‌دێ كرن.
هه‌ر ل گور لهه‌ڤهاتنا سۆچیێ، وه‌ختا 150 سائه‌تان ب هێزێن سووریایا ده‌مۆكراتیك هه‌سه‌ده هاتیه دایین كو هێزێن خوه ب چه‌كێن وان ڤه ژ رۆژهلاتا فراتێ ڤه‌كشینه، ئێڤارا سبه رۆژا سێشه‌می 29/10/2019ان ئه‌و 150 سائه‌ت وێ ب قه‌ده.
سه‌رۆكێ تركیێ ره‌جه‌ب ته‌یب ئه‌ردۆگان ل رۆژێن رابووری هشیاری دایه و گۆ كو هه‌گه‌ر هه‌سه‌ده ڤه‌نه‌كه‌شه و 150 سائه‌ت ب قه‌ده، ئه‌مێ ئۆپه‌راسیۆنا كانیا ئاشتیێ بدۆمینن و ژ وێ ده‌را كو مه لێ سه‌كناندیه.
