ژ نه‌مانا دكتاتۆر سه‌دام ئیراق د مه‌زنترین پێلا نه‌رازیبوونێ ده‌ یه‌

ژ نه‌مانا دكتاتۆر سه‌دام ئیراق د مه‌زنترین پێلا نه‌رازیبوونێ ده‌ یه‌

خوه‌پێشانده‌رێن ئیراقێ ئاڤێتنا ته‌خا سیاسی ژ ئه‌ساسێ دخوازن

مه‌زنترین پێلا نه‌رازیبوونا دژی هكوومه‌تا فه‌ده‌رال ژ نه‌مانا سه‌دام هسێن، سه‌رۆكێ ره‌ژیما به‌هس ئا ژناڤبری ل ئیراقێ د دۆمه‌، دوهـ رۆژا ئینی 1/1/2019ان  پشتی په‌یاما لێڤه‌گه‌ریا شیئه‌یان، ئاستا خوه‌پێشاندانان هه‌ری دژوار كه‌ت، گه‌لێ نه‌رازی نه‌ ته‌نێ ژ ناڤچوونا هكوومه‌تێ خوه‌ست، لێ به‌لێ وان د گۆ كو پێویسته‌ ته‌خا سیاسی ژ ئه‌ساس وه‌ره‌ ئاڤێتن.

خوه‌نیشاندانێن ئیراقێ ئیرۆ رۆژا شه‌می 2/11/2019ان بۆ رۆژا 9مین خوه‌پێشاندان ل به‌غدا ئا پایته‌ختا ئیراقێ و 7 پارێزگه‌هیێن دن هه‌نه‌، گه‌لێ نه‌رازی داكه‌تنه‌ مه‌یدانێن ناڤه‌ندێن باژاران و سلۆگانێن خوه‌ ئێن دژی هكوومه‌تا فه‌ده‌رال، گه‌نده‌لكاریێ، به‌تالیێ به‌رز كرنه‌.

هه‌موه‌ختا خوه‌ستا وان ئا سه‌ره‌كه‌ كو بانگا ده‌ست ژ كار ڤه‌كشینا هكوومه‌تا فه‌ده‌رال دكن، لێ به‌لێ ئه‌ڤ 2 رۆژن خوه‌پێشانده‌ر دخوازن ته‌خا كو نها سیاسه‌تا ده‌وله‌تێ د مه‌شینه‌، ژ ئه‌ساس وه‌رن ئاڤێتن.

ل پارێزگه‌هێن ناڤه‌راستا ئیراقێ و هه‌ر وها باشوور، خوه‌پێشاندان توند بوونه‌، ته‌نێ ل به‌سرا ئیرۆ 100 خوه‌پێشانده‌ر هاتنه‌ بریندار كرن.

گه‌لێ ئیراقێ وه‌كه‌ نه‌رازیبوون ل سه‌ر ره‌وشا هه‌ری خراپ ئا ژیانێ ل ولات، ژ 25 ئۆكتۆبه‌را 2019ان ل جادێ مانه‌، گه‌لێ نه‌رازی دخوازه‌ هكوومه‌ت وه‌ره‌ هلوه‌شاندن، ل رۆژا پێنجشه‌میا رابووری، سه‌رۆك كۆماریێ ئیراقێ ئیلان كر كو سه‌ر وه‌زیر ئادل ئه‌بدولمه‌هدی رازیه‌ ده‌ست ژ كار ڤه‌كشینه‌، لێ ئه‌ڤ یه‌ك نه‌بوو سه‌به‌با داكه‌تنا ئاستا خوه‌پێشاندان.

دوهـ رۆژا ئینی ئایه‌توللا ئه‌لی سیستانی لێڤه‌گه‌را شیعه‌یێن ئیراقێ د په‌یامه‌كێ ده‌ پشتگری ل سه‌راستكرنا ده‌ستوورا ولات ب رێیا ئیستفتائێ كر، لێ به‌لێ خوه‌پێشاندان پشتی په‌یامێ زێده‌ دژوار كه‌تن.