یه‌كینه‌یێن پاراستنا گه‌ل یه‌په‌گێ د چارچووڤه‌یا هێزێن سووریایا ده‌مۆكراتیك ده، ل 24 سائه‌تێن ده‌رباسبووی، 11 جاران ب مۆشه‌كێن تانك شكێن ل ئارته‌شا تركیێ خست.
وه‌زاره‌تا پاراستنا نه‌ته‌وه‌ئی ئا تركیێ، ئیرۆ رۆژا چارشه‌می 6/11/2019ان به‌یانه‌كه نڤیسكی وه‌شاند و تێده ئه‌شكه‌ره كر، یه‌په‌گێ و هه‌سه‌دێ ژ دوهـ رۆژا سێشه‌می ڤه، 11 جاران ب مۆشه‌كێن تانك شكێن ل ناڤچه‌یێن رۆژهلاتا فراتێ كو وێ ببن هه‌رێما ئه‌وله‌هیێ ل هێزێن وان خستنه.
وه‌زاره‌تا پاراستنا تركیێ، ل سه‌ر هه‌سابا خوه ئا تویته‌رێ ئه‌ڤ داخوه‌یانی وه‌شاند و ل گۆر وێ، وه‌ختا كو هێزێن ئارته‌شا تركیێ ده‌وریێن خوه ل ناڤچه‌یێن هه‌رێما ئه‌وله‌هیێ د دۆماندن، 11 جاران راستی ئێریشا هه‌سه‌دێ و یه‌په‌گێ بوونه.
هه‌ر وها ده‌ست نیشان كر، ئێریشا ل سه‌ر هێزێن وان ب مۆشه‌كێن تانك شكێن و گوله تۆپان بوو، لێ به‌هسا تو زراره‌كه جانی نه‌كر.
