ئه‌مه‌ریكایێ ئه‌برامز شاندنه‌ رۆژئاڤا كوردستانێ

ئارته‌شا ئه‌مه‌ریكایێ ئیرۆ كاروانه‌كه‌ دن ئێ هێز و له‌شكران شاندنه‌ رۆژئاڤا كوردستانێ، تانكێن هه‌ری ناسیار ب ناڤێ ئابرامز د گه‌ل ده‌نه‌.

ئیرۆ رۆژا یه‌كشه‌می 10/11/2019ان، ئارته‌شا ئه‌مه‌ریكایێ كاروانه‌كه‌ ئه‌ره‌به‌ و ئه‌سه‌كه‌ران شاندنه‌ سینۆرێ باژارۆكێ تل ته‌مرێ كو ژ دوهـ ڤه‌ شه‌ر ل ناڤبه‌را ئارته‌شا تركیێ و چه‌ته‌یێن وێ و هێزێن سووریایا ده‌مۆكراتیك لێ د قه‌ومه‌.

ئه‌مه‌ریكا ئه‌ڤ كاروانێ ئه‌ره‌به‌یان د رێیا ناڤده‌وله‌تیا M4 بۆ تل ته‌مرێ ب رێخستنه‌ كو تانكێن هه‌ر ناسیار ئابرامز دگه‌ل ده‌نه‌.

ئه‌مه‌ریكا ژ به‌را ده‌ست پێ كرنا ئێریشا داگیركاریا 9 جۆتمه‌ها رابووری ل سه‌ر رۆژئاڤا كوردستانێ هه‌موو هێزێن خوه‌ ژ باكوورێ سووریێ ڤه‌كشاندن ب تایبه‌ت ژ ناڤچه‌یێن كو هه‌رێما ئه‌وله‌هیێ وێ ل سه‌ر وه‌ره‌ ئاڤاكرن، ئه‌وێ ڤه‌كشاندنێ رێ ژ بۆ داگیركاریا ترك خوه‌ش كر كو ئێریشا رۆژئاڤا بكه‌.

پشتره‌ ئه‌مه‌ریكایێ هێزه‌ك ده‌ست نیشان كر كو بچه‌ باكوورێ سووریێ و ئه‌ركا پاراستنا سازیێن په‌ترۆلێ بكه‌.