ناڤەندا راگھاندنێ یا هێزێن سووریایا ده‌مۆكراتیك ئیرۆ ئەنجامێن رۆژا 45ان ئا شەر و بەرخوەدانا ل رۆژئاڤا و باکور و رۆژھلاتێ سووریێ ئەشکەرە کرن.
ناڤەندا راگھاندنێ یا هه‌سه‌دێ ئیرۆ رۆژا شه‌می 13/11/2019ان، ب داخویانیەکە نڤیسکی ئەنجامێن رۆژا 45ان ئا شەر و بەرخوەدانا ل رۆژئاڤا و باکور و رۆژھلاتێ سووریێ، ئەشکەرە کرن.
داخوه‌یانیا هه‌سه‌دێ وھایە:
ئارته‌شا داگیرکار و کۆمێن چەتەیێن وێ ل سەرانسەرێ خەتا ئەنیێ ئێرش و تەڤگەرا خوە یا داگیرکاریێ دۆماندن. ل گەل ئێرشکرنا گەلەک قادان، ئارته‌شا داگیرکار تەڤگەرا خوە یا ل سەر رێیا M4ێ ئا ناڤدەولەتی ژی زێدە کر.
تل تەمر
ئارتێشا داگیرکار و کۆمێن چەتەیێن ب سەر ڤە، ل گوندێ لەیلان ھەول دا قادێن نوو داگیر بکن و تەڤگەرا خوە ل ھەرێمێ بەردەوام کر.
ئەین ئیسا
ل ھەرێما گوندێ مەسئوودیێ، ئارته‌شا داگیرکار و کۆمێن چەتەیان ئێریش برن سەر ھەرێمێن سیڤیل، ھەر وھا جەبلخانەیا ئارته‌شا ترکیێ د ھوندرێ دەپۆیا گەنم دە تەقیا و د ئەنجامێ دە ھەژمارەک چەتە و لەشکەرێن ئارته‌شا داگیرکەر مرن.
ھێزێن داگیرکەر ل ھەرێما گوندێن کەفیفا و زەنووبا ب تانکان تۆپباران كر، ھەر وھا ل سەر ھەرێمێ تەڤگەرا باله‌فرێن کەشفێ بێ ناڤبەر بەردەوام کر.
هه‌سه‌ده ل داویا به‌یانا خوه دبێژه: د ئەنجاما ئێریشێن ئارتێشا داگیرکاریێ دە ھەڤالەکی وان جانێ خوه ووندا كر و یه‌كێ دن بریندار كه‌تیه.
