ژ ده‌ستپێكا خوه‌نیشاندانێن ئیرانێ كو ل 15 نۆڤێمبه‌رێ ده‌ست پێ كربوون، رژێما ئیسلامی یا ئیرانێ 48 گه‌نجێن رۆژهلاتا كوردستانێ شه‌هید كرنه.
پشتی ده‌ربازبوونا 10 رۆژان ل سه‌ر خوه‌نیشاندانێن ئیرانێ كو ب سه‌ده‌ما به‌رزبوونا نرخا پانزینێ ده‌ست پێ كربوون، 48 گه‌نجێن رۆژهلاتا كوردستانێ ب ده‌ست چه‌كدارێن رژێما ئیسلامی هاتنه شه‌هید كرن، ب ده‌هان گه‌نج ژی هاتنه بنچاڤ كرن.
رێخستنا هه‌نگاو یا مافێن مرۆڤان ل رۆژهلاتا كوردستانێ ناڤێن پرانیا وان گه‌نجێن شه‌هدین كه‌تین به‌لاڤ كرنه و ئه‌شكه‌ره كر كو 50% یا قوربانییان یێن باژارێ كرماشانێ نه.
هه‌روه‌ها رێژه‌یا دن یا شه‌هیدان ژ باژارێن جوانرۆ، مەریوان، سنە و بۆكان یێن رۆژهلاتا كوردستانێ نه، هه‌روها ته‌هران ئیسلام شەهر یا باكورێ ئیرانێ.
گه‌نجێن كورد كو د خوه‌نیشاندانێن ئیرانێ و رۆژهلاتا كوردستانێ دا جانێ خوه به‌خت كرنه ب ڤی ئاوایی ل سه‌ر باژارن تێن دابه‌شكرن:
کرماشان 28 شه‌هید
مەریوان 10 شه‌هید
جوانڕۆ 6 شه‌هید
سنە 2 شه‌هید
ته‌هران 1 شه‌هید
ئیسلام شەهر 1 شه‌هید
