«سه‌رایا سه‌لام» ئێریشا سه‌ر مالا سه‌دری بێ به‌رسڤ نابه‌

«سه‌رایا سه‌لام» ئێریشا سه‌ر مالا سه‌دری بێ به‌رسڤ نابه‌

یه‌كینه‌یێن ب ناڤێ «سه‌رایا سه‌لام» بالێ له‌شكری یێ ته‌ڤگه‌را سه‌دری ئیرۆ راگهاند، ئیرێشا سه‌ر مالا رێبه‌رێ ته‌ڤگه‌را وان هاتیه‌ كرن، بێ به‌رسڤ ده‌رباس نابه‌.

ناڤه‌ندا هه‌ماهه‌نگیێ ئا یه‌كینه‌یێن ب ناڤێ «سه‌رایا سه‌لام» یا گرێدای ته‌ڤگه‌را سه‌دریان، ئیرۆ رۆژا شه‌می 7/12/2019ان د به‌یانه‌كه‌ نڤیسكی ده‌ ئه‌شكه‌ره‌ كر، ئێریشا سه‌رێ سبێ ئا ئیرۆ ل سه‌ر مالا رێبه‌رێ ته‌ڤگه‌را سه‌دریان هاتیه‌ كرن، بێ به‌رسڤ نابه‌ و هه‌ر چ ئالیێ ده‌ست تێده‌ هه‌به‌، دێ راستی به‌رسڤه‌كه‌ هه‌ری دژوار به‌.

«سه‌رایا سه‌لام» ئه‌شكه‌ره‌ كریه‌، ئێریشا سه‌ر مالا سه‌دری ب خه‌ته‌ره‌كه‌ هه‌ری زه‌لال تێ هه‌ژمارتن و ئه‌نجاما وێ یه‌كێ ژ بۆ ئیراقێ باش نابه‌.

ل داویا به‌یانا خوه‌ ناڤه‌ندا هه‌ماهه‌نگیێ ئا «سه‌رایا سه‌لام» ته‌كه‌ز كریه‌، ئه‌و وێ ل به‌ندا ب داوی بوونا له‌كۆلینان بن و وان وێ به‌رسڤه‌كه‌ هه‌ری دژوار بۆ وی ئالی هه‌به‌ كو ده‌ست د ئێریشێ ده‌ هه‌یه‌.

سه‌رێ سبێ ئا ئیرۆ رۆژا شه‌می، باله‌فره‌كه‌ بێ پیلۆت ئێریشا مالا رێبه‌رێ ته‌ڤگه‌را سه‌دریان موقته‌دا سه‌در كر، لێ به‌لێ ت زیانه‌كه‌ جانی ژ ئه‌نجاما وێ ئێریشێ نه‌هات ته‌سبیت كرن.