باله‌فرێن بێ پیلۆت مالا سه‌دری بۆردۆمان كرن

باله‌فرێن بێ پیلۆت مالا سه‌دری بۆردۆمان كرن

ل باژارێ نه‌جه‌فێ ب رێیا باله‌فرێن بێ پیلۆت کو نایێ زانین ئێن چ ئالیه‌كێ نه‌، ئێریشی سەر مالا موقتەدا سه‌درێ رێبه‌رێ ته‌ڤگه‌را سه‌دریان ل ئیراقێ، ھات کرن.

مھەمەد سالھ ئەل ئیراقی کو كه‌ساتیه‌كه‌ نێزی موقته‌دا سه‌دری یه‌، ل سەر ھەسابا خوە ئا تویته‌رێ راگھاند کو ب رێیا باله‌فرێن بێ پیلۆت ل ھەمبەری مالا سه‌دری کو ل ھەرێما «ئەل ھه‌نانە» ئا سەر ب باژارێ نەجەفێ یە، ئێریش ھاتیە کرن.

ئیراقی ب بیر خست کو سه‌در دوھ كو پشتی خوەپێشانده‌رێن ل بەخدا و نەجەفێ راستی ئێریشێن چەکداری ھاتین، بانگ ل هكوومه‌تا ئیراقێ كر «خوەپێشانده‌ران بپارێزن» و پشتی ڤێ بانگه‌وازیێ ئێریش ل سه‌ر مالا وی ھات کرن.

د داخویانیێ ده‌ نەھات گۆتن کو مری یان ژی بریندار ھەنە یان نا و ژ بۆ ڤێ ئاگاھی نەھات دایین.

سەرۆکوەزیرێ ئیراقێ ئادل ئەبدولمەھدی ژ بەر چالاکیێن ل بەخدا و پارێزگه‌هیێن باشوورێ ولات کو د 1ێ جۆتمەھێ دا دەست پێ کربوون، د 29ێ مژدارێ ده‌ ده‌ست ژ كار كشاندیه‌.

كۆمسیۆنا مافێن مرۆڤان ئا سەربخوە ئا بلندا ئیراقێ د داخویانیا خوە ده‌ دەستنیشان کر کو د چالاکیێن دژی ھکوومەتێ یێن مەھێن جۆتمەھ و مژدارێ ده‌، ھەری کێم 460 کەسی جانێ خوه‌ ژ ده‌ستدایه‌.