ئەندامێ شاندا ئیمرالیێ یا دەم پارتیێ میتحەد سانجار راگھاند کو رێبەرێ گرتی یێ پەکەکێ عەبدوللاھ ئۆجالان بۆ ئاڤاھیەکێ نوو یێ ل سەر گراڤا ئیمرالیێ ھاتیە ڤەگوھاستن. سانجار دا زانین کو تەڤی ڤێ گوھەرتنێ ژی، د دو مەھێن داوی دە د پێڤاژۆیا ئاشتیێ دە سستبوون چێبوویە و بانگ ل حکوومەتێ کر کو ژ ھەلوەستێن توند دوور بکەڤە و گاڤێن لەزگین باڤێژە.
سانجار د نرخاندنا خوە دە دیار کر کو دڤیابوو پشتی گاڤێن کو ژ ئالیێ پەکەکێ ڤە ھاتبوون ئاڤێتن، سەردانێن بۆ گراڤێ ب ئاوایەکی برێکووپێک هاتبان کرن. سانجار ئەشکەرە کر کو شاندا وان یا کو دێ راستەراست لگەل ئۆجالان بخەبتە، ب ناڤێ “کۆمیسیۆنا ئاشتی و سیاسیبوونێ”یە و تەکەز کر کو رۆلا ئۆجالان ژ بۆ ھەڤاھەنگیا گاڤان یەکالیکەرە. وی دا خویاکرن کو گرێکا کۆر یا ڤێ پرۆسەیێ ل جەم ئۆجالان تێ ڤەکرن و ڤەگوھاستنا وی بۆ جھێ نوو دڤێت رێ ل بەر زووترا هڤێتنا گاڤان ڤەکە.
ئەڤ پێڤاژۆ کو د جۆتمەھا 2024ێ دە ب بانگا دەولەت باخچەلی دەست پێ کربوو، د سالێن 2025ێ و 2026ێ دە ب سەردانێن شاندەیێن دەم پارتیێ و گاڤێن سەمبۆلیک یێن بێچەککرنێ دەوام کربوو. ب دەرخستنا “قانوونا چارچۆڤەیێ” رە د ھاڤینا 2026ێ دە زەمینا قانوونی ھاتبوو دانین، لێ شاندا ئیمرالیێ ھشیاری ددە کو راوەستاندنا سەردانان باوەریا د ناڤبەرا ئالیان دە لاواز دکە.
