د ئۆپه‌راسیۆنێن دژی پارتیا كاركه‌رێن كوردستانێ ده كو ده‌وله‌تا تركیێ به‌رده‌وامیێ د ده‌تێ، 2 گه‌ریلا ل ناڤچه‌یا حه‌فته‌نینێ یا باشوورێ كوردستانێ و مێردینا باكورێ كوردستانێ هاتن هنگافتن.
چاڤكانیێن داركا مازی ئه‌شكه‌ره كرن كو د چارچووڤێ ئۆپه‌راسیۆنا ب ناڤێ په‌نج 3 ده ئه‌وا ئارته‌شا تركیێ ل دژی په‌كه‌كێ ل مه‌هێن رابووری ده‌ست پێ كری، 2 گه‌ریلا ل ناڤچه‌یا حه‌فته‌نینێ هاتن هنگافتن، وه‌ختا كه‌فتینه به‌ر ئێریشه‌كه باله‌فرێن جه‌نگ.
هه‌موه‌خت ئارته‌شا تركیێ ئیرۆ ئۆپه‌راسیۆن ل سینۆرێ مێردینێ ده‌ست پێ كرن و د ئه‌نجامێ ده 4 گه‌ریلا ل سینۆرێ ناڤچه‌یا دێرك یا گرێدای وێ پارێزگه‌هێ هاتن به‌رته‌ره‌ف كرن.
والێتیا مێردینێ نووچه‌یا به‌رته‌رف كرنا وان گه‌ریلایان پشت راست كر و ئه‌شكه‌ره كر، هه‌موه‌ختا هنگافتنا گه‌ریلایان هه‌ژماره‌كه چه‌په‌ر و ستارگه‌هێن په‌كه‌كێ هاتن ژناڤبرن.
ئارته‌شا تركیێ ل 27 گولانا ئیسال 2019ان ئۆپه‌راسیۆنا ب ناڤێ په‌نج ل دژی په‌كه‌كێ ل هه‌رێما باشوورێ كوردستانێ ب تایبه‌ت ل ناڤچه‌یا خواكوركی ده‌ست پێ كربوو، پشتره و ل 13 تیرمه‌ها هه‌مان سالێ قوناغا دویه‌می و ل 24 ته‌باخێ، قۆناغا سێیه‌مین ده‌ست پێ كربوو.
