ل هه‌ر یه‌ك ژ پارێزگه‌هێن بدلیسێ و سێرتێ یێن باكورێ كوردستانێ ئیرۆ قه‌ده‌خه ل 59 گوندان هات راگهاندن و ئۆپه‌راسیۆنێن دژی پارتیا كاركه‌رێن كوردستانێ ده‌ست پێ كرنه.
ل پارێزگەھا بەدلیسێ یا باکورێ کوردستانێ قەدەخەیا چوون و ھاتنێ ل 45 گوندان ھات راگھاندن و ل پارێزگەھا سێرتێ ژی ل 14 گوندان قەدەخەیا چوون و ھاتنێ ھاتیە راگھاندن، قه‌ده‌خه ب سه‌ده‌ما ئۆپەراسیۆنێن ل دژی په‌كه‌كێ ھاتنه راگهاندن.
والێتیا پارێزگه‌ها بدلیسێ راگھاندیە، کو ل 45 گوندێن سەر ب پارێزگەھا بەدلیسێ ڤە، ژ بەر ئۆپەراسیۆنێن ل دژی گەریلایێن په‌كه‌كێ چوون و ھاتن ھاتیە قەدەخە کرن.
هه‌موخت ئه‌شكه‌ره كریه، ب بەھانەیا ئەولەکاریا وەلاتیان، ژ 17ی دیسامبه‌رێ ژ بۆ 45 گوندێن سەر ب بەدلیسێ ڤە، قەدەخەیا دەرکەتنا دەرڤە دەستپێ كریه و ھەتا داخویانیەکە دن قه‌ده‌خه دێ به‌رده‌وام به.
ھەر وھا ل پارێزگه‌ها سێرتێ ژی، ب ھەماھەنگیا ل گەل فەرمانداریا جەندرمەیان، ل دژی گەریلایێن په‌كه‌كێ ئۆپەراسیۆن ده‌ست پێ كرنه.
