یه‌كێتی یا نشتیمانی یا كوردستانێ، ئیرۆ و پشتی ئالۆزیه‌كه‌ هه‌ری دژوار ل ناڤبه‌را بالێن وێ ده‌، ده‌ست ب كۆنگره‌یا خوه‌ یا 4مین كر، لێ گومان ل شه‌رعیه‌تا كۆنگره‌ی هه‌یه‌، ژ به‌ر كو، پۆست ب لهه‌ڤهاتنێن به‌روه‌خت هاتنه‌ ده‌ست نیشان كرن.

یه‌كێتی یا نشتیمانی یا كوردستانێ یه‌كه‌نه‌ كو هێڤی یێن مه‌زن ب كۆنگره‌یا خوه‌ یا 4مین هه‌نه‌ و دخوازه‌ گوهه‌رین و ریفۆرمه‌كێ د ته‌ڤ سازی و ئۆرگانێن خوه‌ ده‌ بكه‌ت، لێ به‌لێ هه‌یا ئیرۆ نه‌كارییه‌ ئالۆزی یێن ناڤبه‌را بالێن خوه‌ ده‌ چاره‌سه‌ر بكه‌ت و ئه‌و ریفۆرا بانگ بۆ كری كو دێ هێته‌ كرن، مه‌حاله‌ و ب خه‌یال تێ حه‌ساب كرن.

فه‌یسه‌ل عه‌باس سه‌ركرده‌یێ یه‌كێتیێ كو هه‌موه‌خت پارلمه‌نته‌رێ وێ پارتیێ یه‌ ل پارلمه‌نا كوردستانێ، ل ده‌ربارا كۆنگره‌یا 4مین داخوه‌یان دایه‌ و وها ئاخڤی یه‌: «كۆنگره‌یا 4مین یا یه‌كێتیێ چ شه‌رعیه‌ته‌ك نینه‌، ژ به‌ر كو هه‌موو پۆست به‌روه‌خت ب لهه‌ڤهاتن هاتنه‌ ده‌ست نیشان كرن، د كۆنگره‌ی ده‌ ته‌نێ وێ ده‌نگدانه‌كه‌ شه‌كلی بهێت كرن».

هه‌ر وها گۆت: «ئه‌ڤ نه‌كۆنگره‌یه‌ تێ ل دارخستن، لێ به‌لێ ته‌نێ لهه‌ڤهاتنه‌كه‌ ژێر ب ژێر یا ل ناڤبه‌را بالێن جودا یێن یه‌كێتی یا نشتیمانی یه‌ تێ ته‌نفیز كرن».

به‌رپرسیارێ ناڤبووری یێ یه‌نه‌كێ ژ به‌ر ڤێ سه‌ده‌مێ بریار دایه‌ ژ وێ پارتیێ جودا ببه‌ و ئه‌و دبێژه‌: «ژ به‌ر وان هه‌لویستێن وی، ژ وی هات خوه‌ستن به‌شداری كۆنگره‌ی نه‌به‌ و جهێ خوه‌ ژ بۆ كه‌سه‌كێ دن ڤالا بكه».

ژ پشتی وه‌فاتا جه‌لال تاله‌بانی، سه‌كره‌ته‌رێ گشتی یێ یه‌كێتی یا نشتیمانی، ئه‌ڤ نه‌ كادرێ به‌رزێ یه‌كه‌مێ وێ پارتیێ یه‌ بریارا جودا بوونێ د ده‌، بال و جه‌مسه‌رێن وێ پارتیێ كو یه‌نه‌كه‌ به‌ش به‌ش كرنه،‌ باندۆره‌كه‌ مه‌زن كرنه‌ و ئێدی نایێ زانین ئه‌ڤ كۆنگره‌ وێ بالێن ڤێ پارتیێ ل بن یه‌ك سه‌یوانێ كۆم بكه‌، یان ژی بالێن وێ دێ بهێز تر بكه‌ت.