رووسیا ژ بۆ قەبوولکرنا هەسەدێ فشارێ ل رەژیما سووریێ دکە

رووسیا ژ بۆ قەبوولکرنا هەسەدێ فشارێ ل رەژیما سووریێ دکە

رووسیا داخوازێ ل ھکوومەتا سووریێ دکە ھێزێن سووریا دەمۆکراتیک (HSD) ب تایبەتمەندیێن خوە قەبوول بکە. رایەدارەکێ  پەیەدێ ژی دبێژە رووسیا بێ گوھدانا ت ئالیەکێ تشتا بخوازە دکە.

ل رۆژاڤایێ کوردستانێ مژارا رووسیا فشارێ ل سووریێ دکە داکو ل گەل هەسەدێ لهەڤهاتنێ بکە بوویە رۆژەڤ. مالپەرا کەنالا ئەل ئەرەبیە رۆژا ١٩ێ بەرفانبارێ ئەڤ مژار پشتراست کر و ل سەر زمانێ چاڤکانیەک کورد بەلاڤ کر، “ھکوومەتا شامێ رووبروویێ گوشارێن رووسیایێ بوویە ژ بۆ قەبوولکرنا ھسدێ د ناڤ ئارتێشا سووریێ دە ب تایبەتمەندیێن خوە.”

ل گۆر وێ کەنالێ، “ھکوومەتا ئەسەد ترسەکە مەزن ھەیە و نیگەرانە دەربارێ ھەڤکاریا د ناڤبەرا پۆلیسێن سەربازی یێن رووسیایێ و ھێزێن ھسدێ دە و دخوازە ئارتێشا وەلاتێ وێ ل شوونا هەسەدێ ل رۆژھلاتێ فراتێ جھ بگرە.

ئەو چاڤکانی دبێژە، “رووسیایێ هەسەدە پشتراست کریە کو ئەو وێ ب خوە بەشداریێ د گۆتووبێژێن د ناڤبەرا رێڤەبەریا خوەسەر و شامێ دە بکن ژ بۆ کو ببن ھێزەکە فشار کرنێ داکو گۆتووبێژ سەربکەڤن.”

رووسان ھەروھا ژ هەسەدێ رە راگھاندیە، “ڤلادمر پوتین ھاتیە سەر خەت و داخواز ژ بەشار ئەسەد کریە گۆتووبێژێ ل گەل کوردان ب جدی بگرە و پێویستە د زووترین دەم دە پرسا کوردان د چارچۆڤەیا سووریێ دە بێ چارەسەرکرن.”

ئەو چاڤکانی د داویا گۆتنێن خوە دە دبێژە، “نھا رووسیا ب ھەڤکاریا هەسەدێ ھێزەکە سەربازی ل رۆژھلاتێ فرات و منبجێ پێک تینە ژ بۆ کو ل گەل پۆلیسێن سەربازی یێن رووسیایێ ل ناڤچەیێن سینۆرێ ل گەل ترکیێ بگەرە.”