د ئێریشێن مووشەکی یێن ل سەر تەھرانێ دە کوشتی و بریندار ھەنە
ل گۆری داخویانیێن فەرمی یێن رایەدارێن پایەبلندێن ھەوارچوونێ، پایتەختا ئیرانێ تەھران راستی زنجیرە ئێریشێن مووشەکی ھات. د ئەنجاما ڤان ئێریشان دە ھەری کێم 3 کەسان ژیانا خوە ژ دەست دانە و زیانێن مەزنێن مادی گھیشتنە ھەرێمێن نشتەجیبوونێ.
بەردەڤکێ رێڤەبەریا بەرەڤانیا باژێری یا تەھرانێ ژ بۆ ئاژانسا نووچەیان یا ئیسنایێ راگھاند کو د دەمژمێرێن بۆری دە، مووشەکەک ل ناڤەندا باژێری ل وێستگەھەکا گازێ کەتیە. ھەر چەند ئەڤ ئێریش بوویە سەدەما بەلاڤبوونەکا بەرفرەھا گازێ و ترس و خۆفەکا مەزن د ناڤا وەلاتیان دە چێکریە، لێ تیمێن ئاگرکوژیێ کارین د ناڤا 30 خولەکان دە رەوشێ کۆنترۆل بکن. ب دەستوەردانا بلەز، رێ ل بەر تەقینەکا مەزن و کارەساتەکا مرۆڤی ھات گرتن.
ئێریشەکا دن یا مووشەکی ل ھەرێما باشوورێ رۆژھلاتێ تەھرانێ راستەراست مالەکا سڤیلان ئارمانج گرت. ژ بەر توندیا تەقینێ، خانی ب تەمامی ھلوەشیا و نشتەجھێن مالێ د بن کاڤلان دە مان.
ل گۆری داتایێن هاتنە پارڤەکرن، 7 کەس ب برینداری ژ بن کاڤلان ھاتن دەرخستن و ژ بۆ دەرمانکرنێ ھاتن ڤەگوھەستن. هەر وەها ھات پشتراستکرن کو 3 وەلاتیان د ڤێ ئێریشێ دە ژیانا خوە ژ دەست دانە.
