چه‌ته‌یێن گرێدای ئارته‌شا تركیێژ 18 ڤێ مه‌هێ، 8 ولاتیێن سڤیل یێن عه‌فرینێ ره‌ڤاندنه و هه‌یا نها چاره‌نڤیسا وان نه دیاره.
ل گۆر رێخستنا مافێن مرۆڤان ل عەفرینێ، چەکدارێن گرۆپا ب ناڤێ «پۆلیسا ئازاد» ل رۆژا چارشه‌مبێ 18/12/2019ێ ولاتیه‌كێ هه‌رێما عه‌فرینێ ژ گوندێ ب قه‌ره‌ته‌په ب ناڤێ «مھەمەد ئەلی» ژ ناڤ باژارێ عەفرینێ رەڤان و هه‌یا نها چاره‌نڤیسا وی نه‌دیاره.
هه‌ر وها ل ناڤچەیا راجۆ، ئیستخباراتا ترکیێ ژ رۆژا ١ێ ڤێ مەھێ ڤە موختارێ گوندێ یێ ب ناڤێ «حه‌جی خەلیل مھەمەد ئەلی» رەڤاندییە و هه‌یا نھا چارەنڤیسا وی ژی نە دیارە، ھەروھا ل رۆژا 4ێ ڤێ مەھێ ژی وەلاتیێ ب ناڤێ «خەلیل خالۆ» رەڤاند.
رێخستنا مافێن مرۆڤان ده‌ست نیشان كر، ئیستخباراتا ترکیێ ژ رۆژا 25ێ مه‌ها رابووری ڤە وەلاتیێ ب ناڤێ «مھەمەد ھەسەن» ژ گوندێ ھەسەن رەڤاندیە و بەر ب جھەکی نە دیار ڤە بریە.
ل گۆر زانیاریان، رۆژا 22 ڤێ مه‌هێ چەکدارێن لیوا یا سەمەرقەند 2 برایێن هه‌ڤ ب ناڤێ «مھەمەد كه‌مال و ئەبدۆ کەمال» ژ گونده‌كێ ناڤچەیا جندرێسێ رەڤاندن.
ھەروھا چەکدارێن لیوایا وەقاس، ل رۆژا 21ێ ڤێ مەھێ 2 برایێن ژ گونده‌كێ سەر ب ناڤچەیا شیێ ڤە رەڤاندن و ھەتا نھا چارەنڤیسا وان دیارە.
