پەکەکە و تەسفیە کرنا تەسفیەچیان و خاین کرنا قەھرەمانان

پەکەکە و تەسفیە کرنا تەسفیەچیان و خاین کرنا قەھرەمانان

بەشا یەکەمین

دیرۆکا ھاتیە نڤیساندن گەرەکە ھەرتم مرۆڤ ب گۆمان نێزی ببە، یێ کو دیرۆکێ دنڤیسینە د بەرژەوەندیا خوە دە دنڤیسینە، گەر ھوون ل رووپەلێن دیرۆکێ بنێرن قەھرەمان بوونە خاین و خاین بوونە قەھرەمان، ئەو تشتێ کو ھاتیە گۆتن گەر ب بەردەوامی بھێ گۆتن و نڤیساندن وێ ببە سەدەم کو راستییەک ھاتیە ژیان کرن.

جیێ داخێیە کو دیرۆکا کوردستانێ ژی ب ڤی ئاوایی یە ب تایبەتی د ڤان ٤٠ سالێن داویێ کو پەکەکە بوویە خوەدی ئارشیفەک مەزن ژ نڤیسینێ کو دیرۆک نڤیساندیە و قەھرەمانێن راستی ب خاین نیشان دانە و د ڤێ یەکێ دە سەرکەتن ئانیە، بەلکو د ڤێ بابەتێ دە یێ کو بھێتە رەخنە کرن نە ب تەنێ پەکەکە بە ژبەرکو یێن کو راستیێ دزانن ھەری کێم کەسێ مخالیف ئەڤ کەسانە ل ھمبەری ئیشکال کرنا داگیرکرنا ڤێ ھولا نڤیساندنا پەکەکێ بێ دەنگ مان، ل ھمبەر فشارا کو پەکەکێ کری ئەو کەس ترسیان و بەرەف پاش چوون ژ نڤیساندن و دیار کرنا راستیان، ژبەرکو یێن کو دا دیرۆکێ نڤیسینن ئەو ژی دا ھێن لێدان و خاین کرن و کوشتن، بەلێ پەکەکە دا ڤێ یەکێ ئەنجام بدە.
یێ کو فکرەکە جوودا ژ پەکەکێ ھەبە رەخمێ کو ھەڤالێ پەکەکێ ژی بە پەکەکە وی دکوژە و دکارە چاڤێ خوە ژی نەگرە ل دەما کوشتنا وی کەسی دە، گەلۆ گەر پەکەکە بکارە ھەڤال رێیێن خوەیێن ھزر جوودا ب بێرەھمانە بکوژە وێ مرۆڤ ب تو ئاوا ل بەندا رەھما پەکەکێ بە ژ بۆ وان کەسێن ل دژی پەکەکێ؟

پەکەکێ مەفھۆمێ خوە یێ بنگەھین کو خوە پێ برێڤە دبە، ژ پرتووکا ئۆجالانا ب ناڤێ “تەسفیە کرنا تەسفیە چیان” وەردگرە، پرتووک د جەوھەرێ خوە دە باس ل مخالفێن د ناڤا پەکەکێ دە و کەسێن کو رەخنێن خوە لسەر تەرزێ رێڤە برنا پەکەکێ ھەی دکە کو چەوا ئەو کەس ھاتن تەسفیە کرن و چەوا ب تێکدەر و سیخور ھاتن بناڤ کرن. پەکەکە ب بەردەوامی پەیڤێن ب ڤی ئاوایی بکار دینە کو دبێژە ژ بۆ دەمۆکراسیێ و فکرێن جوودا مە ھورمەتەک زێدە ھەیە، لێ رەوش تەمامەن بەرەڤاژی ڤێ یەکێیە، ھەرتم جوودا بوونا وەکە گەفەک ژ بۆ ھەبوونا خوە مێزە دکە، یان وان جودا بوونا بێ تەسیر دکە یانژی وان جوودا بوونا ب تەمامی و فیزیکی ئیمھا دکە، ئەو گۆتنا تەسفیە کرنا تەسفیەچیان تونە کرنا جوودا بوونایە، د دیرۆکا پەکەکێ دە تەسفیە کرنا قادرۆیێن خوە و خاین ئیلان کرنا وان دو سەردەمێن بنگەھین ھەنە یەک ژ ڤانا ١٩٨٠-١٩٨٦ان دایە و سەردەمێ تەسفیە کرنا دویێ دناڤبەرا سالا ١٩٩٩-٢٠٠٧ان دایە.

ب تایبەتی ئەبدوڵا ئۆجالان پشتی سالا ١٩٩٩ان ئەو بەرەڤانیا کو د دادگەھێن ترکیێ دە ل خوە کری و ئەو پەیوەندیێن سەیریێن دگەل دەولەتا ترکان دا بۆ سەدەم کو تەڤلیھەڤیەکێ د سەرێ ئینسانان دە ئاڤا بکەت، ئەڤ تەڤلیھەڤی نە ب تەنێ د سەرێ قادرۆیێن ژوور ویێن ناڤین دە درست بوو بەلکو د سەرێ قادرۆیێن نوو دە ژی درست کر، ئەو شەرڤانێن نوو ژ بۆ کو نە کەڤن دەست دەولەتا ترکیێ کو ب دوژمنێن خوە دزانن گوڵە و رۆمانەیا داویێ ژ بۆ کوشتنا خوە ھێلایە ئەو کەسێ کو وان شەرڤانان ژێرە د گۆت سەرۆک ئاپۆ تەسلیم بوویە و باس ل کەفتنە بن خزمەتا دەولەتا ترکیێ دکە ئەڤ خالە بوویە خالەکە شکەستنێ ژبۆ ھەموو شەرڤانان و رێخستن بەرەف بەلاڤ بوونێ بر، ئێدی رێکخستنێ نەدکاری قادرۆیان ئیقنا بکە ژ بۆ ڤێ یەکێ ژی ھەر کەس ب فشار و ترس بێ دەنگ دکرن، ڤەقەتاندنا یەکێ دختۆر سلێمان و گرۆپەکە ھەڤالێن وان بوون کو ب کۆم ژ رێخستنێ ڤەقەتیان و ب خاین ھاتن بناڤ کرن و ھەتا د گۆت ب ئیھتیمالەکە ھەری زێدە ئەو سیخورێن دەولەتێ نە، لێ ڤان گۆتنا قادرۆ ئارام نە کرن، پەکەکێ دەست ب تەسفیە کرنا گرۆپێن بچووک کرن کو ئیھتیمال ددانێ ئەو بووبوونە دژبەر، تەسفیە کرنا “فایەقێ رۆژاڤایی” وەکە خوە ئینتیھار کرن خستیە پێش چاڤێن گەل.

پەکەکێ کوشتنا قادرۆیەکە دنێ سەرکردە ب ناڤێ “فارۆق بۆزکورت” ب کۆد ناڤێ “ناسر” وەکە کوشتن ب دەستێ گرۆپەکە دژبەرێ پەکەکێ دا ناساندن، بریارا کوشتنا “ناسر” ب روونشتنا ھەر ٨ کەسێن رێڤەبەر ھات نیقاش کرن و بریار لسەر دان، ناسر ل سالا ١٩٨٠یان تەڤلی رێخستنێ بوویە و ولاتپارێزەک راست و درست بوو و ژیانا خوە ل چییا دەرباس کر و د گرۆپێن یەکەمینێن گەریلایێن پەکەکێ دە جی گرت، ژ خەتا زاگرۆس و بادینان و ل ئامەدێ و ل خەرزانێ ب سالا گەریلاتی کر، تەک سووچا وی ئەو گۆتن بوو کو ئەو تەلیماتێن کو ژ ئیمرالیێ دھاتن درست نە د دیتن، د گۆت نێزیک بوونەکە ب ڤی ئاوایی ب دەولەتا ترکان رە نابە، رێڤەبەری شاشتیێ دکە، و پشتی گرتنا یەک سالێ ژێرە گۆتن خوە ئامادە بکە، ئەمێ بچن، ل جیێ کو لێ دما دەرخستن و برن پشت کەڤرەکێ و ئەو گوڵە باران کرن. ژ بۆ کوشتنا وی جەمیل بایک، دۆران کالکان، مستەفا قاراسوو و رێڤەبەرێن وەکە ڤان ئەڤ بریارە ستاند بوو. پشتی ١٣ سالان “ناسر” وەکە شەھید ھات ئیلان کرن،یێ کو ناسر وەکە شەھید ئیلان کری ویێ کو “ناسر” دایە کوشتن ژی دیسان جەمیل بایک، دۆران کالکان، مستەفا قاراسوو بوون، ب کوردی دبێژن “ب گۆرگان رە دخوە و ب پەزی رە دگریت” ھەر وەک ئەڤ گۆتنە ژ بۆ پەکەکێ ھاتیە گۆتن دەما ئەو کەسێن کو پەکەکێ ب خوە کوشتی و ھەر ئەو ب خوە وان کەسان ب شەھید ئیلان دکە.
“بارزان دۆرە” ب کۆد ناڤێ “ھارۆنێ سەر مەزن” دەما ژ ناڤا پەکەکێ ڤەدقەتە، پەکەکە ل دووڤ دکەڤە و وی دکوژن.

“فیلیز یەرلیکایا” ب کۆد ناڤێ “گۆلان” ھات خەندقاندن لێ تو کەس نزانە ئەڤ ئینسانە ب تو ئاوای ھات خەندقاندن، پەکەکە دبێژە YNK ژ دەرڤە بکوژ شاندنە و ئەڤ کەسە کوشتیە. ئەم دکارن گەلەک میناکێن ب ڤی ئاوایی باس بکین.

پوستێن ھەمان بەش