ھکومەتا ھەرێما کوردستانێ ب توندی بەرسڤا ھەسەن نەسرووڵاھ ددە

ھکومەتا ھەرێما کوردستانێ ب توندی بەرسڤا ھەسەن نەسرووڵاھ ددە

پشتی کو ھەسەن نەسرووڵاھ، ئەمیندارێ ھزبووڵاھا لوبنانی چەند ئاخڤتنێن نەرەوا ل همبەر ھەرێما کوردستانێ و مەسوود بارازنی سەرۆکێ پارتیا دەمۆکرات ئا کوردستانێ بکار ئانی، جوتیار ئادل، گۆتەبێژێ ھکومەتا ھەرێما کوردستانێ ب توندی بەرسڤا گۆتنێن وی دا.

دەقێ بەرسڤا گۆتەبێژێ ھکومەتا ھەرێما کوردستانێ بۆ ھەسەن نەسرووڵاھ:

بەرسڤەک ژ گۆتەبێژێ ھکومەتا ھەرێما کوردستانێ بۆ ھەسەن نەسروڵاھ.

مە پێ سەیرە ب دەنگەکە لەرزۆک و شێوازەکا سنێلانە، ھێرش دکی سەر ھەرێما کوردستانێ و رێبەرێ نەتەوەیەکێ.

تو کو چەند سالن تە رەنگێ خوە نەدیتییە و ل ژێر ئەردێ تە خوە ڤەشارتییە، ڤێجا ژی سڤکاتی ب گەلەکێ قەھرەمان دکی. ل شوونا ئەڤێ ھێرشا نەبجی، ھەق بوو تو بەرەڤانییێ ل وی نەتەوەیا ژێر دەست بکی کو چەند سالن ستەم و زۆرداری لێ دھێت کرن.

ئەو ھێزا پێشمەرگە بوو ھەولێر و کوردستان پارازتی نەکو خەلکێ دن. تەڤی ڤێ یەکێ ژی مە سوپاسییا ھەموو کەسەکی کرییە کو ئالیکارییا مە کرییە، لێ ئەو کەسێ کو دبێژن نوێنەرێ ھەوە بوویە، و د دەما سەردانا خوە دا بۆ ئالییێ سەرۆک بارزانی پشکدار بوویە، دڤێ ھەر ئەو کەس بە ل گەل ھەڤ نڤشێن خوە ل رۆژێن ١٦ و ٢٠ و ٢٦ێ ئۆکتۆبەرا ٢٠١٧یێ ئارمانج و خەونا وی داگیکرنا کوردستانێ بوو، لێ بەرانبەر وێ خوەراگرییێ و بەرەڤانییا قەھرەمانانەیا پێشمەرگە، لەرزۆکانە و سەر شۆرانە سەرێن خوە ل کەڤر دان و خەونا وان خستن د گۆرێ دە.

تو کو ژ ترسا نەیارێن خوە نەوێری سەرێ خوە ھلدەی، چما شەری ب نەتەوەیەکێ دفرۆشی کو ت پەیوەندی ب تە رە نینە. سەرۆک بارزانی ھێمایا خوەراگرییا نەتەوەیەکێیە و توویێ ترسۆک گەلەک ژ وێ بچووکتری ئەڤێ زماندرێژییێ بکی.

در. جۆتیار ئادل

گۆتەبێژێ ھکومەتا ھەرێما کوردستانێ

١٢/١/٢٠٢٠