ئه‌مه‌ریكا: «چاره‌نڤیسا قائانی دێ وه‌ك یا سوله‌یمانی بیت»

ئه‌مه‌ریكا: «چاره‌نڤیسا قائانی دێ وه‌ك یێ سوله‌یمانی بیت»

ویلایه‌تێن یه‌كگرتی یێن ئه‌مه‌ریكایێ، ئه‌ڤرۆ گه‌ف ل فه‌رماندارێ نوو یێ «فه‌یله‌قا قودس» یا گرێدای سوپایێ پاسداران كر و راگه‌هاند، چاره‌نڤیسا وی دێ وه‌ك یا قاسم سوله‌یمانی بیت.

برایان هۆك، نوونه‌رێ تایبه‌تێ ئه‌مه‌ریكایێ ژ بۆ كاروبارێن ئیرانێ ئه‌ڤرۆ رۆژا پێنجشه‌مبێ راگه‌هاند، هه‌گه‌ر ئیسماعیل قائانی فه‌رماندارێ نوو یێ «فه‌یله‌قا قودس» ل سه‌ر هه‌مان سیاسه‌تا فه‌رماندارێ به‌رێ قاسم سوله‌یمانی بچیت و رێكا كوشتنا ئه‌مه‌ریكییان بگریته‌ به‌ر، دێ چاره‌نڤیسا وی وه‌ك یا قاسم سوله‌یمانی بیت.

هه‌ر وها گۆت: «ئه‌مه‌ریكا رژێما ئیرانێ و هێزێن وێ كو ب وه‌كاله‌ت شه‌ری ژ بۆ دكه‌ن، ژ هه‌ر ئێریشه‌كێ به‌رپرسیار دكه‌ن كو ل سه‌ر ئه‌مه‌ریكییان و به‌رژه‌وه‌ندیێن وێ بهێنه‌ كرن».

برایان هۆك ئه‌ڤ داخوه‌یانی ژ بۆ رۆژنامه‌یا شه‌رقولئه‌وسه‌ت دایه‌ و تێدا به‌حسا قاسم سوله‌یمانی ژی كرییه‌ و گۆتییه‌: «كوشتنا سوله‌یمانی ڤالاتییه‌ك ل جه‌م ئیرانێ چێكرییه‌ كو ئیران چ جاره‌كێ نه‌شێت وێ ڤالاتیێ پر بكه‌ته‌ڤه»‌.

ل ده‌ربارا خوه‌پێشاندانێن ئیرانێ ژی بریان هۆك، خوه‌پێشانده‌رێن ئیرانێ ب «قه‌هره‌مان» ب ناڤ كرینه‌ و دوپات كر كو ئه‌مه‌ریكا دێ به‌رده‌وام پشته‌ڤانیێ ل وان خوه‌پێشاندانان كه‌ت.