د ئه‌ردهه‌ژا شه‌ڤا ده‌رباسبوویی دا كو ل باكورێ كوردستانێ روودایه، 20 كه‌سان جانێ خوه ژ ده‌ستدا و هه‌ر وها نێزی هزار كه‌سێن دن بریندار بوون.
شه‌ڤا ده‌رباسبوویی پێتر ژ 20 جاران ئه‌ردهه‌ژ ل باكورێ كوردستانێ و تركیێ چێبوون، ئه‌ڤ ئه‌ردهه‌ژ ب كووراتییا 10كم ل ژێر ئه‌رد بوو و ناڤه‌ندا وێ باژارێ خارپتێ یێ باكورێ كوردستانێ بوو.
ل گۆر پێزانینێن ناڤه‌ندێن سه‌قاناسێ و ئه‌ردهه‌ژان، ئەردھەژا یەکەم ب دژوارییا 6.8 پلەیێن پیڤەرا رێختەرێ بوو كو ئه‌و ژی دژوارترین ئه‌ردهه‌ژ بوو ژ ناڤا وان ئه‌ردهه‌ژێن رووداین، هه‌موه‌خت ئەردھەژا د رێزبه‌ندییا 10ێ ژی دا ب دژوارییا 5.4 پله‌یێن رێخته‌رێ بوو و ل پرانییا باژارێن باکورێ کوردستانێ ھەست پێ ھاتە کرن.
ل گۆر ئامارێن دەستپێکێ، ھەتا نھا ل باژارێن خارپێتێ و مەلەتیێ، 20 کەسان جانێ خوە ژ دەست دانە و ب سەدان ژی بریندار بوونە، ھەر وھا هنه‌ك ژ خانی و ئاڤاھیان هه‌رفتنه.
ب دەھان ئامبولانس بۆ جھێ ئەردھەژێ ھاتنە شاندن و تیمێن ھاوارھاتنێ ژی مژوولی لێگەرینا د ناڤا ئاڤاھیێن ھەرفتی دا نە.
ل رۆژئاڤایێ کوردستانێ ژی، ل تەڤاھییا ھەرێمێن عه‌فرین، کۆبانێ و قامشلۆ ژی ھەست ب ئەرد ھەژی ھاتە کرن، هه‌ر وها ل چه‌ندین باژارێ باشوورێ كوردستانێ ژی.
