ئەمەریکا 20 هەزار سەربازێن دن شاندینە رۆژهلاتا ناڤین

ئەمەریکا 20 هەزار سەربازێن دن شاندینە رۆژهلاتا ناڤین

مەک کێنزی: ئەڤ هێزە د دەما 8 مەهێن پێش نها ب مەرەما بەرهنگار بوونا گەفێن ئیرانێ هاتینە شاندن.

بەرپرسەکە بلند ئێ سەربازی ل ئەمەریکایێ ئەشکەرە دکە کو ئەمەریکا ب مەرەما بەرهنگاربوونا گەف و تەست وەردانێن ئیرانێ زێدەتر ژ ٢٠ هەزار سەربازێن نووی شاندینە رۆژهلاتا ناڤین و دەما ڤەگەرانا وان ژی نەهاتیە دیارکرن، هەڤدەم پەنتاگۆن باس ل دانانا سیستەما دژە مووشەک ل پێگەهێن خوە یێن د ناڤا ئیراقێ دە کربوو.

جەنەرال فرانک مەک کێنزی، فەرماندارێ یەکەیا فەرمانداریا هێزێن ئەمەریکا “سێنتکۆم”، د داخوەیانیەکێ دە ل سەر کەشتیگەلا جەنگی یا ئەمەریکی “USS” ل سەر ئاڤێن زەریایا سوور ژ بۆ سەرباز و فەرماندارێن ناڤ کەشتیگەلێ دە ئەشکەرە کر کو ئەمەریکا د دەما 8 مەهێن رابووری دە زێدەتر ژ 20 هەزار سەربازێن دن شاندینە ناڤچەیا رۆژهلاتا ناڤین و ژێرە راگهاندیە کو دەما ڤەگەرانا وە دیار نینە و ڤێ یەکێ پەیوەندی ب گوهەرینێن ناڤچەیێ هەیە.

ب گۆتنا مەک کینزی ئەڤ هەژمارا سەربازان ب مەبەستا بەرهنگاریا گەفێن کۆمارا ئیسلامی یا ئیرانی ل رۆژهلاتا ناڤین لسەر هێزێن ئەمەریکایی هاتینە شاندن.

ب ڤێ یەکێ ژی هەژمارا هیزێن ئەمەریکا ل رۆژهلاتا ناڤین ژ 60 هەزار سەربازان گهیشت زێدەتر ژ 80 هەزار سەربازان.

ئاژانسا فۆکس نیۆزا ئەمەریکی، هەڤدەم ژ زاردەڤێ بەرپرسێن وەزارەتا بەرەڤانی یا ئەمەریکایێ “پەنتاگۆن”ێ بەلاڤکر کو پاش ئێریشێن مووشەکی یێن ئیرانی ژ بۆ سەر بنگەهێ سەربازی یێ ئەمەریکایێ عەین ئەسەد و هەرێما کوردستانێ، ئەمەریکا وێ ل ئیراقێ سیستەما دژە مووشەکان “پاتریۆت” بنەجی بکە.

پوستێن ھەمان بەش