باله‌فرێن تركیێ په‌كه‌كێ ل نێزیكی دینارتێ بۆردۆمان كر

باله‌فرێن تركیێ په‌كه‌كێ ل نێزیكی دینارتێ بۆردۆمان كر

باله‌فرێن جه‌نگ یێن ئارته‌شا تركیێ ئیرۆ لڤینێن پارتییا كاركه‌رێن كوردستانێ په‌كه‌كێ ل نێزی باژارۆكێ دینارتێ یێ هه‌رێما باشوورێ كوردستانێ بۆردۆمان كرن.

ل گۆر چاڤكانیێن داركا مازی، ئیرۆ رۆژا یه‌كشه‌می 26/1/2020ێ باله‌فرێن جه‌نگ یێن ئارته‌شا تركیێ چه‌ندین جاران ل په‌ی هه‌ڤ گوندێن جەم شرتێ، سرانی و بابولێ یێن گرێدای باژارۆكێ دینارتێ سه‌ر ب قه‌زایا ئاكرێ ڤه‌ ل هه‌رێما باشوورێ كوردستانێ بۆردۆمان كرن.

چاڤكانییان ده‌ست نیشان كرن، باله‌فران 6 جاران بۆردۆمان كریه‌، لێ چ پێزانین ل سه‌ر هه‌بوونا زرارێن جانی د ناڤا رێزێن په‌كه‌كێ دا نه‌هاتنه‌.

خه‌لكێ ناڤچه‌یێ ژبلی كو نه‌رحه‌تی و ترس ژ سه‌ده‌ما بۆردۆمانێ ل جه‌م وان چێبوویه‌، ئه‌و دخوازن په‌كه‌كه‌ ژ ناڤچه‌یێن وان دوور بكه‌ڤیت ژ بۆ كو گوندێن وان نه‌بنه‌ ئارمانجا باله‌فرێن تركیێ.