ئه‌نجوومه‌نا ساخله‌مییا نشتیمانی یا چینێ ئیرۆ ئه‌شكه‌ره كر، 44 هزار 132 كه‌سێن دن خستنه بن چاڤدێرییا نۆشداری كو گۆمان ل سه‌ره تووشی ڤایرۆسێ كۆرۆنایێ بوونه.
ئه‌نجوومه‌نا ساخله‌مییا نشتیمانییا چینێ ئیرۆ رۆژا سێشه‌می ئه‌شكه‌ره كر، هه‌یا نها 106 كه‌س ب سه‌ده‌ما ڤایرۆسا كۆرۆنایێ جانێ خوه ژ ده‌ست دانه، هه‌ژمارا 44 هزار و 132 كه‌سێن دن ژی ب سه‌ده‌ما گۆمانا هه‌بوونا وێ ڤایرۆسێ ل جه‌م وان، كه‌تنه بن چاڤدێرییا نۆشداری.
هه‌ر وها ده‌ست نیشان كر، ژبلێ كه‌سێن ل ده‌ستپێكێ تووش بووین كو هه‌ژمارا وان پێتر ژ 2740 كه‌سانه، نها 6 هزار و 973 كه‌سێن دن گۆمان ل سه‌ره كو ڤایرۆس ژ بۆ وان هاتبه ڤه‌گوهاستن.
ده‌ما چه‌ند رۆژانه، ڤایرۆسا كۆرۆنا ل ناڤچه‌یا ووهان یا هه‌رێما هۆبای ده‌ركه‌تییه، هه‌تا نها پێتر ژ 2740 كه‌سان تووشبوونه، ژ وێ هه‌ژمارێ 106 كه‌سان جانێ خوه ب سه‌ده‌ما وێ ڤایرۆسێ ژ ده‌ستدانه و زارۆ د ناڤا قوربانیان دانه.
رێخستنا ساخله‌مییا جیهانی ڤایرۆسا كۆرۆنا، ب نه‌خوه‌شییه‌كه جیهانی یا كو بله‌ز تێ ڤه‌گوهاستن پۆلین كریه و زه‌نگا ترسێ و خه‌ته‌رێ ژ به‌لاڤه‌بوونا وێ لێدایه.
ڤایرۆسا كۆرۆنا نه‌خوه‌شییه‌كه ڤایرۆسی یه جاندارێن مه‌مكدار، ته‌یر و كه‌والان و مرۆڤان ڤه‌دگریت، سیسته‌ما هه‌ناسه‌كرنێ تووش دكه‌ت، ل گۆر لێكۆلینێن نۆشداران ل ده‌ستپێكێ ژ گیانه‌وه‌ران بۆ مرۆڤان دهات ڤه‌گوهاستن، لێ به‌لێ نها ژ مرۆڤان بۆ مرۆڤان تێ ڤه‌گوهاستن و هات ته‌سبیت كرن كو یه‌ك ژ سه‌ده‌مێن دیاربوونا وێ، ژ ئه‌نجاما خوارنا هنه‌ك گیانه‌ورێن سه‌یر ده‌ركه‌تییه وه‌كه خوارنا مارێ كوبرا و چه‌كچه‌كیلان.
