ب ئهگهرا هەبوونا پەکەکێ گوندێن دهڤهرێن «نێروە و رێکان، نهێلێ»، پێش نها هاتینە چوولکرن و پەکەکێ دەست دانایه سەر وان گۆندان و خەلکێ وان گوندان نوكه نهشێن ژ دۆر ڤە ژی گوندێن خوە ببینن.
ل ڤێ داویێ ژی پەکەکێ خوە ڤهكێشایه گوندێن دۆسکی و مزیری یان، داکو وان گۆندان ژی ب دەردێ گوندێن ناڤچەیێن دی یێن سنۆرێ ببەت، ل ڤان گوندان ژیان وهها ب زهحمهت کەتییە کو چ یەک ژ گوندیێن وان گوندان ناخوازن ل گوندێن خوە بژین و نەچار دمینن قەستا باژار و باژارۆکان بکهن، هەرچەند ل باژاران ژی ب زهحمهت بشێن ئيدارا ژیانا خوە بکةن لێ چاڤێ گوندیيان ل ئێمناهیا باژاران یا دۆر ژ پەکەکێ و توركيا یە، ههگهر نه چ جاران ئەو وارێن خوە ب جهـ ناهێلن.
وەکە دیار نوكه توركیا ئەمر ل پەکەکێ کرییە کو خوە نێزیكی باژێرێن باشوورێ کوردستانێ بکەت، داكو بکاریت ب بەهانەیا وان بهێته باشوور و ب تەمامی داگیر بکەت، هەر ژ بەر ڤێ یەکێ یە کو نوكه پەکەکە ب ترومبێلێن خوە ل ناڤا گوند و دهردۆرێن باژێرێن باشوورێ کوردستانێ هاتن و چوونێ دکەن و ب ئاشكرا دبێژیت: «ئهها ئەم ل ڤێرێ نه ل دووڤ مە وەرن».
بهلێ پەکەکە دخوازیت وەکە چاوا رۆژئاڤایێ کوردستانێ کرییە جههكێ سەربازی، و باژێر و دهڤهرێن رۆژئاڤا و رۆژهلاتا فراتێ یهك ب یهك داینه دهستێ توركیا، ب ههمان ئاوایی دهڤهرێن باشوورێ كوردستانێ ژی بكهته دهڤهرێن سهربازی و جهێ پێ توركیا لێ دروست بكهت.
دهڤهرێن دۆسکی و مزیری یان ژی نها ل بهر وێ مهترسیێ نه، چونكه پهكهكێ خۆ نێزیكی وان دهڤهرا كرییه و دخوازیت وان ژی وهك دهڤهرێن بهرواری و دهڤهرێن دی یێن سنۆری بێخیته بن رهحما تۆپ و بالهفرێن توركیا و بكهته ناڤچەیێن سەربازی.
پهكهكێ چەوا ب سیاسەتا شاش یا شەرێ خەندەکان ل باکور باژارێن کوردان وێران كرن و رادەستی توركیا کرن، ههروهها چەوا گهنجێن کورد دانان بەر رەحما لۆلیێن تڤەنگ و تانكێن دەولەتا توركیا، هەر ب ههمان ئاوا ژی باشوور بێخیته د ئاستهنگێ دا و ساتۆیەکا ب وی رەنگی دروست بكهت، لێ بەلێ ئەڤ یەک گهلهك ب زهحمهته، ژ بەر کو نها گەلێ کورد ب گشتی و ب تایبەتی گەلێ کورد ل باشوورێ كوردستانێ ب سهر ڤان فند و فێلێن پەکەکێ بووینە و ئێدی وان باش د نیاسن.
پەکەکە ل باشوورێ وەلات کار لسەر هەست و سۆزێن گەل دكهت، ئەو دخوازن ب ڤان کارێن خوە گەلێ باشوور ل دژی حكوومهتا خوە یاخی بکهن، وهك چاوا مه ل دهستپێكێ باس كری كو یهك ژ ئارمانجا پهكهكێ یا پاشڤهكێشانا هێزێن خوه بۆ دهردوورێن باژێران، ئهوه ژیانێ ل وان دهڤهرا ب زهحمهت بكهن داكو فشار و زهختهكا زێده ل سهر حكوومهتا باشوورێ كوردستانێ بهێته دروست كرن.
