ویلایه‌تێن یه‌كگرتی یێن ئه‌مه‌ریكایێ، بریار دایه بنگه‌هه‌كا سه‌ربازی یا مه‌زن ل رۆژئاڤایێ كوردستانێ ئاڤا بكه‌ت، ئه‌ڤه دێ یه‌كه‌م بنگه‌ها سه‌ربازی بیت، پشتی ڤه‌كێشانا هێزێن وی ولاتی ژ رۆژئاڤایا كوردستانێ.
ل گۆر چاڤكانیێن پێگه‌ها داركا مازی ل رۆژئاڤایێ كوردستانێ، ئارته‌شا ئه‌مه‌ریكایێ نها كاری ل سه‌ر دانانا بنگه‌هه‌كا سەربازی ل باژارێ حه‌سه‌كێ یێ رۆژئاڤایێ کوردستانێ دكه‌ت، ھێزێن ئه‌مەریکی دەست ب ئاڤاکرنا بنگه‌ها نوو یا سەربازی ل تاخا گوێرانا یا باژارێ حەسەکێ کریە.
چاڤكانییان دیار کر، جھێ كو ھێزێن ئه‌مەریکی بنگه‌ها خوە لێ ئاڤا دکه‌ن، به‌رێ بنگەھا بەرەڤانیێ یا رێڤەبەریا خوەسەر بوو.
ئاڤاكرنا بنگه‌ها سه‌ربازی یا ئه‌مه‌ریكی ل حه‌سه‌كێ ل ده‌مه‌كی یه، پێشتر و به‌را ئێریشا ئارته‌شا ترکیێ ل سەر رۆژئاڤایێ کوردستانێ، ئه‌مەریکایێ ھێزێن خوە ژ باكورێ سووریێ ڤه‌كێشابوون.
لێ ل ڤێ داویێ ئه‌مه‌ریكا و ھەڤپەیمانییا ناڤدەولەتێ ھێزا زێدەتر دشینن رۆژئاڤایێ کوردستانێ و ناڤچەیێن د دەستێ هێزێن سووریایا ده‌مۆكراتیك هه‌سه‌دێ دا و جاران گەرێن چاڤدێریێ دکه‌ن.
