ئەنداما شاندەیا ئیمرالیێ یا پارتییا وەکھەڤی و دەمۆکراسیێ یا گەلان راگهاند؛ ئۆجالان ل بەندا دەستپێکرنا خەباتێن خوە یێن فەرمیه و گۆت كو ئۆجالان ده‌رباسی جهێ خوه یێ نوو بوویه.
پەروین بولدانێ ئیرۆ رۆژا یه‌كشه‌می 1ی مژدارا 2026ێ ل ئەنقەرەیێ د رۆژا دویەمین یا کۆنفەرانسا “ژن مل ب مل پاشەرۆژێ دئاخڤن” دە ئاخڤی و روودانێن داوی یێن پێڤاژۆیا چارەسەریێ نرخاندن.
ده‌ستنیشان كر، د پێڤاژۆیا ئاشتی و جڤاکا دەمۆکراتیک دە ختمینەک ھەیە و ژ 13ێ ئیلۆنێ ڤە ت ھەڤدیتن ب عه‌بدوللا ئۆجالان رە نەھاتنە کرن.
په‌روین بولدانێ ھەر وھا ل سەر نیقاشێن ل سەر جھێ ئۆجالانێ ل ئیمرالیێ دیار کر کو ئۆجالان ده‌رباسی جهێ خوه یێ نوو بوویه و ئه‌و ل بەندا دەستپێکرنا خەباتێن خوە یێن فەرمی یێن وەکی “کۆردیناتۆرێ ئاشتی و سیاسەتێ”یە.
بولدانێ ب بیر خست کو پێڤاژۆیا ھەیی نێزیکی 2 سالن بەردەوام دکە و دەستکەفتا ھەری مەزن راوەستانا رژاندنا خوینێ یە.
په‌روین بولدانێ ئاماژە ب رۆلا ھەر سێ ئاکتۆرێن سەرەکەیێن پێڤاژۆیێ سەرۆککۆمارێ ترکیەیێ رەجەپ تاییپ ئەردۆگان، سەرۆکێ مه‌هه‌پێ دەڤلەت باھچەلی و عه‌بدوللا ئۆجالان کر.
بولدانێ دیار کر کو گوھەرینا جھێ ئۆجالان نایێ واتەیا ستاتویەکێ ژ بۆ وی و پێ دە چوو: ئۆجالان نھا ل بەندێیە کو وەکی کۆردیناتۆرێ ئاشتی و سیاسەتبوونێ دەست ب خەباتێ بکە.
ئۆجالان گۆتبوو ئەز دخوازم وەکی کۆردیناتۆرێ ئاشتی و سیاسەتبوونێ پشتگریێ بدم ڤێ پێڤاژۆیێ لێ ھین ژی ئەڤ پێناسە ب فەرمی نەھاتییە کرن.
