ئارته‌شا تركیێ و هێزێن گرێدای وێ ل باكورێ كوردستانێ ئۆپه‌راسیۆنه‌ك ل سنۆرێ ئه‌رزه‌روومێ ئه‌نجام دا و به‌رپرسێ په‌كه‌كێ یێ سه‌رحه‌دێ به‌رته‌ره‌ف كر.

ل گۆر چاڤكانیێن پێگه‌ها داركا مازی ل باكورێ كورستانێ، ئه‌ڤرۆ رۆژا شه‌مبی 8/2/2020ێ هێزێن جه‌ندرمه‌یان و پۆلیسان ئۆپه‌راسیۆنه‌ك ل سنۆرێ پارێزگه‌ها ئه‌رزه‌روومێ یا باكورێ كوردستانێ پێكئینا.

د ئۆپه‌راسیۆنێ دا به‌رپرسێ په‌كه‌كێ یێ ناڤچه‌یا سه‌رحه‌دێ ب ناڤێ «عومه‌ر ئۆران» و ب كۆد ناڤێ «باگه‌ر» هات به‌رته‌ره‌ف كرن.

ئارته‌شا تركیێ د ڤێ ده‌ربارێ دا ئه‌شكه‌ره‌ كر، «باگه‌ر» د لیستا گه‌ور یا دخوازكرییان دا بوو و به‌رێ خه‌لات ژ بۆ كوشتنا وی هاتبوو دانان.