وەزیرێ به‌رگرییا توركیا خولۆسی ئاکار راگه‌ھاند کو ل دژی رەژیما سووریێ ئۆپەراسیۆنا مەرتالا بھارێ ل گۆر پلانا ژ بۆ هاتییه دانان دێ به‌رده‌وام بیت.
وه‌زیرێ به‌رگرییا توركیا خولۆسی ئاكار ئه‌ڤرۆ رۆژا دوشه‌مبێ راگه‌هاند، هێرشێن وان د چارچووڤێ ئۆپه‌راسیۆنا ب ناڤێ مه‌رتالا بهارێ ل دژی هێزێن رژێما سووریێ دێ به‌رده‌وام بن، داخواز ژ رووسیا فه‌ده‌رال ژی كر، ژ بۆ كو ھێزێن رژێمێ بهێنه ڤه‌كێشان، كار ب رێككه‌فتنا سووچی بكه‌ن.
ئاکار گۆت کو ب ئاوایەکی سەرکەفتی ئۆپەراسیۆنا وان بەردەوام دکەت و ل ھەمبەر ھەموو هێرشێن رژێمێ، ئه‌وان دێ به‌رسڤه‌كا گه‌له‌ك توند و دژوار هه‌بیت.
وەزیرێ تورك دیار کر کو ھەڤدیتنێن وان دگه‌ل رووسیا به‌رده‌وامن و ئه‌وان چ نیازه‌ك ژ بۆ ده‌ستپێكرنا شه‌ری ل دژی رووسیا ل سه‌ر ئاخا سووریێ نینیه.
وەزیرێ به‌رگرییا توركیا ئاکار گۆت: «ئەو ناخوازن شه‌رێ رووسیا بکه‌ن و وه‌ھا به‌رده‌وام کر: «ژ رووسیایێ داخوازا مە ئەوە کو وەک وەلاتێ گه‌ره‌نتیكار كارێ خۆ ب جهـ بینیت و هێرشێن رژێما ئه‌سه‌دی ب راوه‌ستینیت.
