دیسا ل زاپێ دربه‌ك ب په‌كه‌كێ كه‌ت

دیسا ل زاپێ دربه‌ك ب په‌كه‌كێ كه‌ت

پارتییا كاركه‌رێن كوردستانێ په‌كه‌كێ دو گه‌ریلایێن دن ل هه‌رێما كو ئه‌و ب زاپێ ناڤ دكه‌ن ژ ده‌ست دان، وه‌ختا كو ئیرۆ كه‌تینه‌ به‌ر ئێریشه‌كه‌ ئاسیمانی یا باله‌فرێن جه‌نگ یێن ده‌وله‌تا داگیركار یا تركیێ.

ل گۆر چاڤكانیێن پێگه‌ها داركا مازی ل باشوورێ كوردستانێ، ئیرۆ رۆژا دوشه‌مبێ 23/3/2020ێ باله‌فرێن جه‌نگ یێن ده‌وله‌تا داگیركار یا تركیێ، حه‌ره‌كه‌تێن په‌كه‌كێ ل هه‌رێما ب ناڤێ زاپێ هه‌ده‌ف كرن و 2 گه‌ریلایێن په‌كه‌كێ كوشتن.

هه‌روه‌ها ده‌ست نیشان كر، ئێریشا ئیرۆ یا زاپێ ل سه‌ر په‌كه‌كێ هێزێن په‌ژاهی یێن ئارته‌شا داگیركار ژی به‌شداری تێده‌ كر و باله‌فران گارانتییا ئاسیمانی ژ بۆ دابین كر.

پارتییا كاركه‌رێن كوردستانێ هه‌ر چه‌ند كو ژ ده‌ستپێكا ڤێ حه‌فتیێ نێزی 10 گه‌ریلایێن خوه‌ ل خواكوركی و زاپێ ژ ده‌ست دانه‌، لێ به‌لێ هێژان چ زه‌لالییه‌ك ل ده‌ربارا ڤان ئێریشێن تركیێ نه‌ دانه‌.