رۆژنامەیا دەیلی مەیل ب بەلاڤکرنا وێنەیەکێ ژ ژۆرا چاڤدێریا رەوشا ساخلەمیا سەرۆک وەزیرێن بەریتانیایێ، بۆریس جۆنسۆن، نڤیساندیە: هەولدانێن پزیشکێن مەزن یێن بەریتانیایێ ژ بۆ باش کرنا رەوشا بۆریس جۆنسۆن بەردەوامن.
رۆژنامەیا دەیلی مەیل، ب بەلاڤکرنا وێنەیەکێ ژ ژۆرا چاڤدێریا چڕ کو ب سی سی یۆ تێ ناسین و بۆرەیس جۆنسۆن تێدە هاتیە نڤاندن راگهاند، پزیشکێن مەزن ئالاڤێن هەری پێشکەفتی و نووترین تەکنۆلۆژیا بکار دئینن ژ بۆ باشتر کرنا رەوشا ساخلەمیا بۆریس جۆنسۆن سەرۆک وەزیرێن بەریتانیایێ.
سەرۆک وەزیرێ بەریتانیایێ کو پێش هەفتەیەکێ ب ڤیروسا کۆرۆنایێ کەتیە و شەڤا رابووری هات ڤەگوهاستن ژ بۆ نەخوەشخانەیێ ب سەدەما رەوشا وی یا خەراب نها ل ژۆرا چاڤدێریا چڕ کو ب سی سی یۆ تێ ناسین ل بن چاڤدێریا پزیشکی دایە.
ئەڤ خەبەر د دەمەکێ دە هات بەلاڤکرن کو پێگەها رۆیتەرز د راپۆرەکێ دە راگهاند، بۆریس جۆنسۆن، پێدڤی ب چاڤدێریا تایبەت هەیە.
ئەڤ یەک د دەمەکێ دایە کو رۆژنامەیا گاردیەن پێش چەند ساعەتان خەبەر ژ باش بوونا رەوشا ساخلەمیا جۆنسۆن دابوو.
