ل ئیتالیایێ داخوازا دەرکەتن ژ یەکیتیا ئەورۆپایێ دهێتە هەلسەنگاندن

ل ئیتالیایێ داخوازا دەرکەتن ژ یەکیتیا ئەورۆپایێ دهێتە هەلسەنگاندن

ل گۆرەی راپرسیەکێ کو ل ولاتێ ئیتالیایێ هاتیە ئەنجامدان پێتری نیڤا گەلێ ئیتالیایێ ژ بەر خوەدی نەدەرکەتنا یەکیتیا ئەورۆپایێ ل بەلاڤبوونا ڤیروسا کۆرۆنا هەر وەها کریزا پەنابەران ل ئیتالیایێ، دخوازن ئیتالیا ژ ڤێ یەکیتیێ دەرکەڤە.

 ل گۆرەی پێگەها رووسیا ئەلیەوم، د ڤێ راپرسیێ دە کو ل مەها دەرباس بوویی هاتیە ئەنجامدان، 71٪ ژ گەلێ ئیتالیایێ ل سەر وێ باوەرێ نە کو بەلاڤبوونا ڤیروسا کۆرۆنا وێ ببە سەدەما هەلوەشاندنا یەکیتیا ئەورۆپایێ و نیزی 55٪ ژی دگەل ڤێ یەکێ نە کو ولاتێ وان ل یەکیتیا ئەورۆپایێ دەرکەڤە.

هکوومەتا ئیتالیایێ هنەک ژ هەڤالبەندێن خوە ژ وان ئەلمانیا و هولەند ب ڤێ یەکێ سووچبار کرینە کو ب باشی بەشدار نەبوونە د «پالپشتیا مادی د مژارا ڤیروسا کۆرۆنا یێ دە. ئابوورا ئیتالیایێ ژ بەر بەلاڤبوونا ڤیروسا کۆرۆنا هەیا نها پڕ داکەتیە و سندۆقا ناڤدەولەتی یا پەرەیان ژی پێشبینی دکە کو بەرهەمئانینا ناڤخوە ل ڤی ولاتی د ئیسال دە 9.1٪ کێم ببە.

د دەما چوویی دە هنەک ژ سیاسەتڤانێن ئیتالیایێ ژی ب سۆتنا ئالا یەکیتیا ئەورۆپایێ ژ ب تەنێ مانا وەلاتێ خوە د رەوشا دژوار ئا ڤیروسا کۆرۆنا یێ دە ئەڤ یێکەتی رەخنە کربوو.

ئەڤ یەک د ناڤا هەم ولاتیێن ئیتالیایێ دە ب گەرمی هات پێشوازی کرن و ب شەوتاندنا ئالا یەکیتیا ئەورۆپایێ خوەست ولاتێ وان ل ناڤا ڤێ یەکیتیێ دە دەرکەڤە.

 ل گۆرەی ئامارێن وەزارەتا تەندروستیێ یا ئیتالیایێ، هەیا رۆژا شەمی 23227 کەسان ل ڤی ولاتی ب سەدەما تووشبوون ب ڤیروسا کۆرۆنا جانێ خوە ژ دەست دایە و 172434 کەس ژی ب ڤێ ڤیروسێ کەتینە. ئیتالیا ژ ئالیێ هەژمارا مری و پێ کەتیێن ڤیروسا کۆرۆنا د جیهانێ دە ل رێزا سێیەمین تێ.