ل گۆر بەلگەنامەیەکێ کو ژ ئالیێ یەک ژ چالاکڤانێن سەر ب پەیەدێ ڤە ل سۆشیال مەدیایێ دە هاتییە پارڤە کرن، دیار دبە پەکەکە نە تەنێ ل رۆژئاڤا کوردستانێ، بەلکو ل ئەورۆپایێ ژی بوویە سەدەما دروست کرنا پرسگرێکان ژ بۆ پەیەدێ.
یەک ژ چالاکڤانێن پەیەدێ د ئەکاونتا خوە یا فەیسبۆکێ دە رەخنەیان ل سیاسەتا پەکەکێ ل ئەورۆپایێ دگرە کو بوویە سەدەم کوردێن ئەورۆپایێ پرانییا وان ب ئاوایەک نە مەنتق تەڤ بگەرن و ژ بەر پەکەکێ هەر کەسێ نە دگەل پەکەکێ وەکە خائین مێزە دکن.
ئەڤ چالاکڤانە دنڤیسە: «د دەمەکێ دە کو ئەم مژوولی رێخستنا خوەپیشاندانێ بووین، مە داخواز ژ خوەپێشاندەران کر کو ئالایێنPKK و PYD ێ بلند نەکن و بەشداری وێ خوەپیشاندانێ نەبن یاکو بریارە ژ ئالیێ پارتییا یەکیتییا دەمۆکراتیک PYD وەرە ئەنجام دان، لێ بەلێ کوردێن باژارێ بیلیفلید، دنیا ل سەر سەرێ مە خەراب کر و ئەم ب خائین و کرێ گرتی تاوانبار کرین.
هەر وها دبێژە، لێ ئیرۆ ئەو بەرهەمێ کارێ خوە دچنن، هکوومەتا ئالمانیایێ یەک ژ چالاکڤانێن پەیەدێ هایدار کرییە کو پێویستە دەم ل دەست خاکا ئالمانیایێ ب جی بهێلە ژ بەر کو پەیەدە وەکە شاخا پارتییا کارکەرێن کوردستانێ پەکەکێ تێ ناسین و هەبوونا وی ل ئەلمانیایێ وێ خەتەرەیێ ل سەر دەمۆکراسی و ئێمناهیا دەولەتا ئالمانیایێ بکە».
تێ زانین کو هەر ژ سالا 1993یان هکوومەتا ئالمانیایێ پەکەکە وەکە پارتییەک تەرۆریستی دایە ناساندن و هەموو کار و چالاکیێن وێ ل ئەلمانیایێ قەدەغە کرینە.
