دایک و باڤێ زارۆکێ ب ناڤێ ب.ە. کو ل نسێبینێ پۆلسان گولە ئاڤێتینێ و پاشان بەر سەر پشتا وی دای ئاخڤین. دایک و باڤێن وی زارۆکی دیار کرن کو زارۆکێ وان پشتی بوویەرێ ب ٣ رۆژان ژ نوو ب سەر ھشێ خوە ڤە ھاتیە.
دوھ ئێڤارێ ب دیمەنێن کو د سوسیال مەدیادیێ دە هاتبوون پارڤەکرن دەرکەتبوو ھۆلێ کو ل مالێن تۆکییێ یێن ل تاخا فراتێ یا ناڤچەیا نسێبینێ ل مێردینێ، پۆلسان ب گولەیان ئێریشی زارۆکێن کو ل بەر دەرێ مالا خوە لەییستنە کرن و زارۆکێ ٨ سالی ئێ ب ناڤێ ب.ە. برنە بەر ماشینەیا زرخی و ئەو ئیشکەنجەیا دەرۆنی و فیزیکی کریە.
ژ بەر کو دیمەن د رایا گشتی دە بوون، بوو سەدەما بەرتەکێن زێدە، قایمەقامیا ناڤچەیێ تێکلداری مژارێ داخویانیەک دا و راگهاند ژبەرکو زارۆکان ل رۆژا ٢٥ێ نیسانێ بەر ئاڤێتینە پۆلیسان ئەڤ بوویەر پێک ھاتیە و پۆلس ژ کار ھاتیە دوورخستن و دەربارێ وی دە لێپرسین ھاتیە دەستپێکرن.
باڤێ مەھمەت ئانگاشتا قایمەقامیێ یا “ئاڤێتنا بەر” رەد کر و دا زانین کو کورێ وی رۆژا بوویەر ژ بۆ بلیزە دەرکەتیە باخچە و وھا گۆت: “ل سەر بەرتەک نیشاندانا جیرانان کورێ من بەردان. دەما کورێ من ل جەم پۆلیسان زڤری روھ لێ نەمابوو. زراڤێ وی قەتیابوو. دەروونیا وی خەراب بووبوو و ھەتا ٣ رۆژان ب سەر ھشێ خوە ڤە نەھات. دەما کو کورێ خوە د رەوشێ دە دیت ئەم ژی گەلەک ترسیان. ژ بۆ کو دەربارێ پۆلسان دە تشتا پێویست بێ کرن چ ژ دەستێ مە بێ ئەمێ بکن.”
دایکا ڤەجیھە ژی دا زانین کو دەما نمێژ کریە دەنگێ چەکان ژ دەرڤە ھاتیێ و د دەمەک کورت دە کورێ وێ ھاتیە مالێ و ئەڤ تشت گۆت: “دەما کورێ من ھات مالێ خوین ل جانێ وی نەمابوو و ب زۆرێ بێھن دگرت. دەما من ئەو د وێ رەوشێ دە دیت ئەز گەلەک ترسیام. کورێ من دەما کو ل باخچە دلیست پۆلیسان ئەڤ یەک ب وی کریە. ئەڤ نە کارێ مرۆڤاھیێ یە.”
