شەڤا بووری ٢ وەلاتیێن کورد ژ گوندەکی خانەقینێ ژ ئالیێ چەند چەکدارانڤە ھاتن رەڤاندن، ئیرۆ ژی تەرمێن وان ھەردویان کوشتی ھاتن دیتن.
ل گۆر زانیاریێن مەدیایی ل باشوورێ کوردستانێ، دەرەنگێ شەڤا بووری چەند چەکداران ٢ وەلاتیێن کورد ژ گوندێ مێخاس رەڤاندن، یەک ژ وان موختارێ گوندە.
ھەردو وەلاتی جۆتکارێن کوردن و دەما پالە دکرن، ژ ئالیێ چەند چەکداران ڤە کو تێ گوومانکرن چەکدارێن داعشێ بن ھاتن رەڤاندن.
ئەڤ د دەمەکێ دەیە، شەڤا بووری دەخل و دانێ جۆتکاران ل ھەمان گوندی ھاتبوو شەوتاندن.
دەمەکە چەکدارێن داعشێ دەرفەت دیتنە و ئێریشی ھن ناڤچەیان دکن، ب تایبەت ل ناڤچەیێن پارێزگەھێن د ناڤبەرا کەرکووک، سەلاحەدین و دیالە دە.
