باله‌فرێن جه‌نگ یێن ئارته‌شا داگیركار یێن ده‌وله‌تا داگیركا یا تركیێ جیێن په‌كه‌كێ ل هه‌رێما باشوورێ كوردستانێ هه‌ده‌ف كرن و زرارێن مه‌زن لێ خستن.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كرن، باله‌فرێن بێ پیلۆت یێن ده‌وله‌تا تركیێ، ئیرۆ رۆژا چارشه‌می 13/5/2020ان، ته‌عقیبا جیێن په‌كه‌كێ ل چیایێ مه‌تینی و ناڤچه‌یا خواكورك كرن و جیێن وان بۆمبه‌باران كرن.
د ئێریشان ده، 4 گه‌ریلایێن په‌كه‌كێ ل مه‌تینی و خواكوركێ جانێ خوه ژ ده‌ست دان، جیێن كو كه‌تنه به‌ر مۆشه‌كان هاتنه وێران كرن.
تێ زانین كو ژ ده‌ستپێكا ڤێ سالێ ڤه، ب ده‌هان گه‌ریلایێن په‌كه‌كێ د ئێریشێن باله‌فرێن بێ پیلۆت ده جانێ خوه ووندا كرنه، ئه‌ڤ ژی تێته وێ واتایێ كو په‌كه‌كه نكاره ل همبه‌ر ته‌كنۆلۆژیا شه‌ر یا ده‌وله‌تا داگیركار گه‌ریلایان بپارێزه.
ئه‌ڤ ل ده‌مه‌كی تێ كو ل رۆژا دوشه‌می یا رابووری 11/5/2020ان، پارتییا كاركه‌رێن كوردستانێ راگهاندبوو كو د چالاكییه‌كه گه‌ریلایان ده، 8 له‌شكرێن تركیێ ل خواكورك هاتنه كوشتن.
