باله‌فرێن جه‌نگ یێن ده‌وله‌تا داگیركار یا تركیێ، ئیرۆ ئێریشێ گه‌ریلایێن په‌كه‌كێ ل ناڤچه‌یا خواكوركی یا باشوورێ ولات كر و زرارێن جانی پێره خستن.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ئیرۆ رۆژا پێنجشه‌می 28/5/2020ان، باله‌فرێن ده‌وله‌تا تركیێ حه‌ره‌كه‌تێن په‌كه‌كێ ل ناڤچه‌یا خواكوركی هه‌ده‌ف كرن و د ئه‌نجامێ ده، 3 گه‌ریلایان جانێ خوه ژ ده‌ست دا.
هه‌روه‌ها دیار كر، د ئێریشان ده، هنه‌ك جیێن په‌كه‌كێ و ڤه‌شارگه‌هێن وان هاتن ژ ناڤ برن.
د ڤێ هه‌فتیێ ده، ئه‌ڤ دبه جارا سێیه‌مین باله‌فرێن تركیێ ل باشوورێ كوردستانێ ل په‌كه‌كێ دخن و داوی جار دوهـ رۆژا چارشه‌می بوو وه‌ختا كو 5 گه‌ریلایان جانێ خوه ژ ده‌ست دای.
