پرسگرێك ل ناڤبه‌را ئه‌مه‌ریكایێ و رووسیێ ل رۆژئاڤا كوردستانێ ده‌ركه‌تن

پرسگرێك ل ناڤبه‌را ئه‌مه‌ریكایێ و رووسیێ ل رۆژئاڤا كوردستانێ ده‌ركه‌تن

ل دەردۆرا باژارێ دێرکێ ل رۆژئاڤایێ کوردستانێ، ھێزێن ئەمەریکایێ رێ ل بەر ھێزێن رووسیێ گرتن دەما کو د خوەستن دەرباسی ناڤەندا باژێری ببن.

ئیرۆ رۆژا چارشەمی 3/6/2020ان 18 ئەرەبەیێن زریپۆش یێن رووسیێ خوەست ژ ئالیێ دەریێ باکورێ دێرکێ، دەرباسی ناڤەندا باژار ببن، لێ بەلی هیزێن ئەمەریکایی ل ناڤچەیا «رمێلانی» رێ ل هیزا رووسیێ گرت و رێ پی نەدا دەرباسی ناڤەندا باژار ببن.

ئەڤە چەند رۆژن ھێزێن رووسیێ ھەول ددن کو بارەگەھەکێ ل گوندێ «قەسر دیب» ل باکورێ دێرکێ ئاڤا بکن، لێ خەلکێ دەڤەرێ رێگریێ ل  وان دکن و ناھێلن کو خوە ل گوند ب جی بکن.

ھەروەھا ھێزێن ئەمەریکا ژی دبێژن کو دەڤەرا نەفتێ دێ د بن پاراستنا ھێزێن ئەمەریکایێ دە بە و نابە رووسیێ دەرباسی دەڤەرێ ببە.

ھێزێن رووسیێ ژی پشتی ئێریشا سەر «سەرێ کانیێ» دخوازن کو خوە بگهینن باژارێن سینۆری و ل ناڤ جیێن نەفت و غازێ بارەگەھێن خوە ئاڤا بکن.