ئەسکەران ل گوندیان دا و سەوالێن وان گولەباران کرن

ئەسکەران ل گوندیان دا و سەوالێن وان گولەباران کرن

ل گوندێ ھندێسێیا گرێدایی فارقینێ ل باکورێ کوردستانێ ئەسکەرێن ترک ب سەر مالان دە گرت، وەلاتی کەلەمچەکرن و ئەو ئیشکەنجە کرن. د ئۆپەراسیۆنێ دە ب ھەلیکۆپتێرێ سەوالێن گوندیان ھاتن گولەبارانکرن.

ئۆپەراسیۆنا ئەسکەری یا دوھ ل چارگۆشەیا ناڤچەیێن لجێ، ھەزرۆ، فارقین و پاسوورێ یێن ئامەدێ ھاتبوو دەستپێکرن ئێڤارێ ب داوی بوو، د ئۆپەراسیۆنا ل ھەرێما گوندێن گۆدەرنێ، شێلما و مالێ چالێ دە شەر دەرکەتبوو، بەریا شەر دەرکەڤە ئەسکەران ب سەر گوندێ ھندسێ یا گرێدایی فارقینێ دە گرتن و ئەسکەران ئاڤێتیە سەر مالان، ھات زانین کو ئەسکەران شێنیێن گوند کەلەمچە کرنە و ئەو ئیشکەنجە کرنە، گوندیان گۆت ئەسکەران ژ وان رە گۆتیە “ھوونێ جھێ “تەرۆریسان” ژ مە رە بێژن.”

سەوال گولەباران کرنە

گوندیان راگھاند کو د تەڤاھیا ئۆپەراسیۆنێ دە ئەسکەران نەھشتیە یەک وەلاتی ژ مالێن خوە دەرکەڤە و ب ھەلیکۆپتێرێ سەوالێن گوندیان ھاتنە گولەبارانکرن، گوندیان دیار کر کو د ئەنجاما گولەبارانێ دە چێلەک مریە و ٦ چێل ژی ب گرانی بریندار بوونە. گوندیان دا زانین کو وان ٥ چێلێن بریندار سەرژێ کرنە و گەلەک سەوالێن گوندیان ژی وندا بوونە. گوندیان گۆت ژ بەر مەترسیا ئۆپەراسیۆنێ ئەو نکارن بچن ل سەوالێن خوەیێن وندایی بگەرن.

تێ گۆتن د شەر دە کەسێن ژیانا خوە ژ دەست دانە ھەنە.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری