باله‌فرێن تركیێ ئاقارێ گونده‌كێ دهۆكێ بۆردۆمان كر
باله‌فرێن جه‌نگ یێن ده‌وله‌تا داگیركه‌را ترك، ئیرۆ جاره‌كه دن ئێریشێ باشوورێ كوردستانێ كر و گونده‌كێ سینۆرێ پارێزگه‌ها دهۆكێ بۆمبه كر.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ر كرن، ئیرۆ رۆژا پێنجشه‌می 18/6/2020ان، باله‌فرێن جه‌نگ یێن تركیێ، 2 مۆشه‌ك ل گه‌لیێ ب ناڤێ «دێرا» دانه كو دبه ئاقارێ گوندێ بێشیلێ یێ گرێدای كانی ماسێ ل ده‌ڤه‌را به‌رواری بالا.
هه‌روه‌ها ده‌ست نیشان كر، ئه‌ڤ ئێریش ل ده‌مژمێر 1:10 پاش نیڤرۆژێ چێبوویه، وه‌ختا كو باله‌فران ته‌عقیبا حه‌ره‌كه‌تێن په‌كه‌كێ كری.
ل گۆر دیمه‌نێن ژ بۆ پێگه‌ها «داركا مازی» هاتنه شاندن، دۆمانه‌كه پر ژ سه‌ده‌ما ڤێ ئێریشێ ل جیێ كو هاتییه بۆمبه كرن به‌رز بوویه.
ئێریشێن ده‌وله‌تا تركیێ ل سه‌ر باشوورێ كوردستانێ كو ب سه‌ده‌ما پارتییا كاركه‌رێن كوردستانێ په‌كه‌كێ یه، ده‌ما 3 رۆژانه دژوار بوونه، ب تایبه‌ت پاش ده‌ستپێكرنا ئۆپه‌راسیۆنا مه‌زنا هه‌وایی و په‌ژاهی.
