پشتی ئیرۆ سەرێ سبێ چەکدارێن سەر ب رێخستنا پەکەکێ ڤە كهتی ناڤا گوندێن «کشانێ و شیلانێ» و بوویە سەدەما دەرکەتنا شەر و ڤالا کرنا گوند و دەربەدەر بوونا روونشتڤانێن ڤان گوندان، جارەکە دن ل ئێڤارا ئیرۆ ل گوندێ «بانکێ» یێ سەر ب ناڤچەیا باتووفێ ڤە بوونە سەدەما شەر و دەربەدەربوونا هنەک کەسێن دن.
د بەردەوامییا شەر و ئالۆزیێن د ناڤبەرا پەکەکێ و دەولەتا ترکیێ ده د ناڤا خاكا باشوورێ کوردستانێ دە، ئیرۆ ئێڤارێ ل ساعەت 6ێ هەیا 6 و نیڤێ، پهكهكه كهتییه ناڤا گوندێ «بانكێ» یێ گرێدایێ ناڤچهیا باتووفێ و ژ ناڤهندا گوند ب چهكێن سڤك تهقه ل لهشكرێ ترك كرییه.
ل گۆر ئاگاهیێن دهستێ مه، گهریلایێن پهكهكێ ژ ناڤهندا گوند تهقه ل جیێ ب ناڤێ «كۆخێن دیپشكان» ل چیایێ منینێ یێ هنداڤا گوند كرییه و پشتره لهشكرێ تركیێ گوللـهیێن رۆناهیێن ئاڤێتنه گوند، ئهڤ گوللـهیێن رۆناهیێ وهكه «جی پی ئێس»ان كار دكهن و جیێ لێ دبه ئامانج ژ بۆ بالهفرێن جهنگ.
ئامانجا پهكهكێ و ئارتهشا تركیێ ژ ڤێ یهكێ، ناڤچه ببه سهربازی و شینیێن مایی یێن ل گوند وهرهن كوشتن یان گوند ڤالا و چوول ببه.