نه‌خشه‌رێیا په‌كه‌كێ و تركیێ ژ بۆ باشوورێ كوردستانێ

نه‌خشه‌رێیا په‌كه‌كێ و تركیێ ژ بۆ باشوورێ كوردستانێ

پیلانه‌كه‌ پر خه‌ته‌ر ژ بۆ دهۆكێ ئاماده‌ كرییه

Posted by ‎داركا مازى – كوردى‎ on Saturday, July 11, 2020

پیلانه‌كه‌ پر خه‌ته‌ر ژ بۆ دهۆكێ ئاماده‌ كرییه‌

هەر کو دچە پێتر ئەو سۆزێن ئۆجالان داینه‌ دەولەتا ترکیێ د چارچووڤێ میساقا مللی یا ترکیێ دە دکەڤن وارێ پراکتیکایێ دە، رۆژ بۆ رۆژ راستییا پەکەکەیا پاش گرتنا ئۆجالان دەردکەڤە هۆلێ و دیار دبە کو ئەڤ پەکەکە یا نها ب تو ئاوا ئەو پەکەکە نینە یاکو سلۆگانا کوردستانا ئازاد ب دەنگەک چیایی و بلند دستری، دیار بوو کو گرۆپا ئەنقەرەیێ د ناڤا پەکەکێ دە ئاخافتنا یەکێ و داویێ هەر ژ دەڤێ وان تێ دەرێ و تو کەس و ئالییەک دن نکارە رێ ل وان و پیلانێن وان کو ژ ئیمرالیێ تێن سەرڤیسکرن و ل قەندیلێ تێن جی ب جی کرن بگرە، هەر کو دچە پێتر دیار دبە کو گرۆپا ئەنقەره‌یێ دخوازە گیانێ کوردستانا ئازاد ل سەر چ جۆرە ئاگرەک دژوار و گور ب شەوتینە.

سیاسەتا په‌كه‌كێ یا راده‌ست كرنا خاكا باشوورێ كوردستانێ کو د چارچووڤێ «میساقا مللی» یا ترکیێ دە ب ئاگاهدارییا دەولەتێ و گرۆپا بەرنیاس د ناڤا پەکەکێ دە ب گرۆپا ئەنقەرەیێ تێ جی ب جی کرن، ڤان هەولان ل رۆژێن ده‌رباسبووی و پاش ده‌ست پێ كرنا ئێریشا مه‌زن ئه‌وا تركان ناڤێن «حه‌یوانان» لێ كری دەست پێ کر، پیلانا په‌كه‌كێ و ده‌وله‌تا ترك هندک مایه‌ بكه‌ڤه‌ د قۆناغێن خوە یێن داویێ دە، ل گۆر وێ پیلانێ، بەشەکی مەزن ژ خاکا باشوورێ کوردستانا ئازاد ب تایبه‌ت ناڤچه‌یا «به‌هدینان» وێ بکەڤە د دەستێن قرێژ یێن دەولەتا ترکیێ دە، یا راست ئەڤ پیلانا دەولەتێ دگەل پەکەکێ ژ چار قۆناغان پێک تێ، دو ژێ هاتینە جی ب جی کرن‌، و دوو قۆناغێن پر خەتەر مانه‌ تاکو پیلان ب تەمامی وەرە جی ب جی کرن.

پێگه‌ها «داركا مازی» كاری هنه‌ك ئاگاهیێن هه‌ری تایبه‌ت ل ده‌ربارا پیلان و نه‌خشه‌رێیا په‌كه‌كێ و تركیێ ژ بۆ باشوورێ ولات ب ده‌ست بخه‌، تایبه‌ت پاش ده‌ست پێ كرنا ئێریشا 15 ڤێ مه‌هێ یا ب ناڤێ «په‌نجێن باز و پلنگ»، ل گۆر ڤێ پیلانێ، په‌كه‌كه‌ زاته‌ن دخوازه‌ ده‌وله‌تا ترك كێشی باژارۆكێن باشوور بكه‌ و ناڤچه‌یا به‌هدینانێ بكه‌ ناڤچه‌یه‌كه‌ عه‌سكه‌ری.

سینۆرێ ناڤچه‌یا به‌هدینان و باكورێ كوردستانێ

پێش كو وان ئاگاهییان بدانین به‌ر چاڤان، ئه‌مێ هنه‌ك پێزانینان ل ده‌ربارا ئه‌ردنیگارییا ناڤچه‌یا به‌هدینانێ ب تایبه‌ت والێتییا دهۆكێ بدن و كانێ په‌كه‌كه‌ و تركێن فاشێت ل كیژان ناڤچه‌یان جی دگرن:

پارێزگه‌ها دهۆكێ نێزی 140 كیلۆمه‌ترویان دگه‌ل باكورێ كوردستانێ سینۆر هه‌نه‌، پاش كو په‌كه‌كه‌ كه‌تییه‌ ناڤا باشوور و پێگه‌هێن خوه‌ ل ور ب جی كری، ناڤچه‌یا به‌هدینانێ وه‌كه‌ پێگه‌ها هێزا خوه‌ یا سەرەکە دەست نیشان كر، نها باش دیار دبە کو چما پەکەکێ پاش گرتنا ئۆجالان دگۆت: «مە سینۆرێن د ناڤبەرا باکور و باشوورێ کوردستانێ دە راکرن»، پەکەکێ ژ باشوور سینۆر بۆ باكور به‌زاند و رێیه‌كه‌ ده‌ولی، ژ بۆ خوه‌ چێكر داكو بکارە ب رێیا ڤێ رێکێ ‌هه‌ر تشتی ب سەربەستی و کێفا دلێ خوە ل ڤڕ ببە ور و ل ور بینە ڤر، پەکەکێ ئەڤ رێ ژ بۆ هاتن و چوونا گه‌ریلایان هەر وەها ئینان و برنا چه‌ك و مادده‌یێن هشبه‌ر بکار ئانی، ئانكو وه‌كه‌ مه‌نفه‌زه‌كی ستراته‌ژیك.

دبە هنەک کەس و ئالی ڤێ پرسێ بکن، گەلۆ چما باشوورێ ولات رێ دده‌ په‌كه‌كه‌ ڤی كاری ئه‌نجام بده و ب کێفا دلێ خوە ل باشوور تەڤ بگەرە بێ کو کەسەک هەبە لێپرسینێ دگەل بکە‌؟!

به‌رسڤا ڤێ پرسێ پر هێسانه‌، په‌كه‌كه‌ باش فێم دكه‌ کو «مه‌سعوود بارزانی» شه‌رێ براكوژی حه‌رام كرییه‌ و ب تو ئاوایی ناخوازه‌ خوینا كوردان ب ده‌ستێ برایێن وان یێن كورد وه‌ره‌ رێشتن، له‌وما په‌كه‌كه‌ ئیستغلالا ڤێ هه‌لوه‌ستێ كرییه‌، گەر نا په‌كه‌كه‌ باش فێم دكه‌ هه‌گه‌ر شه‌رێ براكوژیێ رووبده‌، وێ چ فه‌رمانه‌ك ب سه‌رێ وان وه‌ره‌.

ئه‌ڤ پیلان ب 4 قۆناغان ب جی دبه‌

قۆناغا یه‌كێ:

ل گۆر لهه‌ڤهاتنه‌كه‌ به‌رێ یا ده‌وله‌تێن ئیراقێ و تركیێ، نێزی 30 قه‌رقۆل و نوقته‌یێن تركیێ ل باشوورێ كوردستانێ هاتینە دانان، 10 ژێ ل زاخۆ، 15 ل ناڤچه‌یا به‌رواری بالا و كانی ماسێ، هه‌ر وها 5 ل نێروه‌ رێكان، دۆسكی ژووری ل ناڤچه‌یێن ئامێدی و شێلادزێ، ل ڤان قه‌رەقۆل و نوقته‌یێن عه‌سكه‌ری ئه‌ڤ جۆرێن چه‌كان هه‌نه‌، تانک، تۆپ، درۆن، كامیرێن عه‌سكه‌ری یێن ته‌عقیبێ یێن هه‌ری مۆدەره‌ن، واته‌ سه‌ربازگه‌هێن تركان‌ ل سێگۆشا سینۆر یا باشوور، سووریێ و تركیێ و هه‌یا دگه‌هه‌ ئاڤاشین هاتینە ته‌سبیت كرن.

وه‌كه‌ مه‌ با‌س لێ كری پاش كو په‌كه‌كێ باشوور ژ بۆ ئەنجام دایینا هنەک په‌ڤچوونێن بچووك ل سه‌ر سینۆر بكارئانی، ئه‌ڤ یه‌ك بوو سه‌ده‌م كو ترك وان قەرەقۆلان ل باشوور ئاڤا بكه‌، پشتره‌ په‌كه‌كێ ده‌ست ئاڤێت جی ب جیكرنا پیلانێ، وه‌ختا كو هنه‌ك ئێرشێن بچووك ل سه‌ر وان نوقته‌یان پێكئانین و تركیێ د به‌رسڤێ ده‌ رۆژانه‌ ئێرش ل سەر وان ناڤچەیان كرن، ل ڤر ژیان زه‌حمه‌ت كه‌ت و خه‌ته‌ری كه‌ت سه‌ر شێنیێن گوندان.

قۆناغا ددوویان:

ل داوییا سالا رابووری ده‌ست پێ كر، په‌كه‌كێ ل ڤێ قۆناغێ دە به‌رده‌وام دەولەت ب هنه‌ك ئێرش و شه‌رێن بچووك ئیستفزاز دكر كو مرۆڤ دكاره‌ ناڤێ له‌یستۆكێن زارۆكان ل وان په‌ڤچوونان بكه‌، وه‌ك ئاڤێتنا دو گوللـه‌یێن کەلاشینکۆفێ، یان گوللـه‌ هاوەنەک، ئه‌ڤه‌ ژی بوو سه‌ده‌م كو ترك ب ئاوایه‌كی راسته‌ راست ته‌دخولێ بكه‌ و وه‌ره‌ ناڤ خاكا باشوور ده‌، گه‌لۆ ل ڤر چ چێبوو؟

بەرسڤ ئەڤە: په‌كه‌كێ بێی شەر 15 كیلۆمه‌تر ژ خاكا باشوور دا دەستێ داگیركا‌ران ب تایبه‌ت ده‌ڤه‌رێن «گولی و سندیان».

قۆناغا سسیان:

ژ چیایێ مه‌تینی هه‌یا كانی ماسێ وێ بكه‌ڤه‌ ده‌ست داگیركه‌ران

مرۆڤ دكاره‌ ده‌ست پێ كرنا ڤێ قۆناغێ ژ بۆ وه‌ختا هه‌ولدانێن په‌كه‌كێ ژ بۆ كوشتنا خه‌باتكارێ قونسۆلخانه‌یا تركیێ ل هەولێرا پایتەختا کوردستانا ئازاد بزیڤرینه‌، پشتره‌ ئه‌نجام دایینا هنه‌ك ئێریشێن پارتیزانی ل سەر نوقته‌یێن تركیێ.

ئەڤ قۆناغە پر خه‌ته‌ره‌ و هنه‌ک مایه‌ ب ته‌مامه‌تی بكه‌ڤه‌ د قادا ب جی كرنێ ده‌، ده‌وله‌تا ترك ل 15 ڤێ مه‌هێ ئێریشا سه‌ر په‌كه‌كێ ب ناڤێ «په‌نجا باز و په‌نجا پلنگ» ده‌ست پێ كر، ژ وێ ده‌مێ په‌كه‌كه‌ ب ئاوایەک سیستەماتیک شوونده‌ ڤەدکشە و نێزی گوند و باژاران دبە.

خه‌ته‌رییا ڤێ قۆناغێ ئه‌ڤه‌ كو هه‌ركو دچه‌ شه‌ر نێزی باژارۆكان دبه‌، له‌وما ل رۆژێن پێش مه‌ ده‌ڤه‌را به‌رواری بالا هه‌یا دگه‌هه‌ چیایێ مه‌تینی وێ ببه‌ مه‌یدانا شه‌ر و بكه‌ڤه‌ ده‌ستێ تركان، واته‌ ژ چیایێ مه‌تینی هه‌یا كانی ماسێ وێ بكه‌ڤه‌ ده‌ست داگیركه‌ران.

قۆناغا چاران:

زاخۆ، ئامێدی هه‌یا دهۆكێ ژی وێ ببه‌ ناڤچه‌یه‌كا عه‌سكه‌ری

د قۆناغا چاران یا پیلانا په‌كه‌كێ و تركیێ ده‌، رووبه‌ره‌كێ دن یێ ناڤچه‌یا به‌هدینان وێ ببه‌ مه‌یدانا شانۆیا په‌ڤچوونان و ئارته‌شا تركیێ وێ تێده‌ جی بگره‌، ئانكو  ژ چیایێ كه‌لها شابانێ هه‌یا دگه‌هه‌ هنداڤی ناڤچه‌یا باتووفێ وێ بكه‌ڤه‌ ده‌ستێ تركان.

ب كورتی مرۆڤ دكاره‌ ببێژه‌ ب جیبجیکرنا ڤێ قۆناغێ وێ: زاخۆ، ئامێدی هه‌یا دهۆكێ ژی وێ ببه‌ ناڤچه‌یه‌كا عه‌سكه‌ری د ده‌ست تركیێ ده‌.

ئه‌نجامێن پاش ڤێ پیلانێ وێ چ بن؟

دكارین ده‌رئه‌نجاما ڤێ پیلانا په‌كه‌كێ و تركیێ ب هنه‌ك خالان باس بكین:

  • دەربەدەربوونا شێنیێن گوندێن ڤان ناڤچەیان ژ بۆ باژار و باژارۆكان.

  • زێدەتر خه‌راب بوونا ره‌وشا ئابووری یا باشوورێ ولات، ب تایبه‌ت ژ روویێ چاندنیێ ڤه‌ كو زراره‌كه‌ هه‌ری مه‌زن وێ ب كه‌رتا چاندنیێ بكه‌ڤه‌.

  • زیانێن له‌شكری وێ ب هه‌رێما باشوورێ كوردستانێ بكه‌ڤن.

  • بەشەکی مەزن ژ خاکا کوردستانا ئازاد وێ بکەڤە دەست دەولەتا ترکیێ.

خالا سەرەکە و ژ هەموویان گرینگتر و پر خەتەر ل ڤڕ په‌كه‌كه‌یه‌، په‌كه‌كه‌ پاش داگیركرنا وان ناڤچه‌یان وێ ب كۆده‌رێ ده‌ بچه‌، وێ ستەیجا شانۆیا جه‌نگا خوه‌ ل کو دەرێ بجی بکە داکو د دەمێن پێش دە وێ دەرێ ژی تەسلیمی دەولەتێ بکە.

په‌كه‌كێ ب تو ئاوا باكورێ كوردستانێ ب جی هشت و شوونده‌ ڤه‌كشا باشوور، ئێدی نکارە ل ڤان ناڤچه‌یان ژی بمینه‌ و وێ خوه‌ ڤه‌كێشه‌ د ناڤ باژار و باژارۆكان ده‌، ل وێ ده‌می ژی شه‌رێن مه‌زن وێ چێبن و ئه‌ڤ باژێر و باژارۆکە وێ بكه‌ڤن به‌ر ئێریشێن تركیێ، واته‌ دوباره‌ كرنا سیناریۆیا رۆژئاڤا و كانێ ب تو ئاوا په‌كه‌كێ رێ ژ بۆ ده‌وله‌تا تركیێ خوه‌ش كر كو باژارێن رۆژئاڤا یه‌ك ب یه‌ك داگیر بكه‌.

پێگه‌ها «داركا مازی» ژ ده‌ستپێكا وه‌شانا خوه‌، ب ده‌هان مژار ل ده‌ربارا پیلانێن قرێژ یێن «په‌كه‌كێ و تركیێ» ژبۆ داگیركرنا خاكا باشوورێ ولات وه‌شاندنه‌ و كانێ ب تو ئاوا په‌كه‌كه‌ ناڤچه‌یێن باشوور هێدی هێدی بێ شه‌ر راده‌ستی تركێن فاشێست دكه‌، لێ به‌لێ هه‌ر جارێ پێگه‌ها مه‌ ژ ئالیێ پشتگرێن ڤێ پیلانێ و ئالیگرێن په‌كه‌كێ ب سیخۆر و خه‌باتكارێن میتێ د هاتنه‌ سووچبار كرن.