ئامه‌ریكا دبێژه‌: «حه‌جی عه‌بدوللا ئه‌ڤ وێنێ ته‌ پر نه‌شرینه‌»

ئامه‌ریكا 10 ملیۆن دۆلاران ژ بۆ ده‌سته‌سه‌ر كرنا رێبه‌رێ داعشێ دده‌

ویلایه‌تێن یه‌كگرتی یێن ئامه‌ریكایێ، 10 ملیۆن دۆلار خه‌لات ژ بۆی ده‌ست ب سه‌ر كرنا رێبه‌رێ رێخستنا داعشێ «حه‌جی عه‌بدوللا» ده‌ست نیشان كر.

ئامه‌ریكا 10 ملیۆن دۆلاران ژ بۆ ده‌سته‌سه‌ر كرنا رێبه‌رێ داعشێ دده‌

به‌رنامه‌یا «خه‌لات ژ بۆ دادپه‌روه‌ری» یێ گرێدای وه‌زاره‌تا كارێن ده‌رڤه‌ یا ئامه‌ریكایێ، ل حه‌سابا خوه‌ یا تویته‌رێ ئه‌شكه‌ره‌ كرییه‌ كو خه‌لاتا ژ بۆی ده‌سته‌سه‌ر كرنا رێبه‌رێ داعشێ یێ ب ناڤێ «حه‌جی عه‌بدوللا» ژ بۆی 10 ملیۆن دۆلاران هاتییه‌ زێده‌ كرن.

د تویتێ ده‌ ئه‌ڤ وێنه‌یێ رێبه‌رێ داعشێ هاتییه‌ پارڤه‌كرن و وها هاتییه‌ نڤیساندن:

ئامه‌ریكا 10 ملیۆن دۆلاران ژ بۆ ده‌سته‌سه‌ر كرنا رێبه‌رێ داعشێ دده‌

«ئه‌ی حه‌جی عه‌بدوللا، ئه‌ڤ وێنه‌یا ته‌ پر نه‌شرینه‌، ژ هه‌ڤالێن ته‌ یێن ته‌رۆریست دخوازین وێنه‌یه‌كێ خوه‌شكێ ته‌ ژ بۆ مه‌ بشینن».

هه‌موه‌ختا زێده‌ كرنا په‌ره‌یێ خه‌لاتا ده‌سته‌سه‌ر كرنێ، وه‌زاره‌تا كارێن ده‌رڤه‌ یا ئامه‌ریكایێ، ئه‌شكه‌ره‌ كرییه‌ كو ئه‌و ل سه‌ر دیتن و ده‌سته‌سه‌ر كرنا رێبه‌رێ داعشێ موكره‌ و گۆتییه‌ كو نها وه‌ختا دادپه‌روه‌ری یێ یه‌.

حه‌جی عه‌بدوللا نها ب رێبه‌رێ داعشێ تێ حه‌ساب كرن، ئه‌و پاش كوشتنا ئه‌بو به‌كر به‌غدادی ل سووریێ بوویه‌ رێبه‌رێ داعشێ كو ناڤێ «خه‌لیفه‌» لێ تێ كرن، ئامه‌ریكایێ 5 ملیۆن دۆلار خه‌لات ژ بۆی ده‌سته‌سه‌ر كرنا وی ته‌رخان كربوون.