پێشمەرگە چەپەرێن خوە توندتر دکن

پێشمەرگە چەپەرێن خوە توندتر دکن

د داوی خالێن بەرەڤانییێ ل ھەرێما کوردستانێ و ل میحەوەرا گوێر پێشمەرگە مژوولی پێتێر خوەئامادەکرنێ و پێتر توندکرنا چەپەرێن خوە نە. ئەو ئاماژە ب وێ یەکێ دکن د ئەڤێ رەوشێ دە، کو ھەرێما کوردستانێ وەک پرانییا جیھانێ مژوولی خوەپارێزییێ یە ژ ڤیروسا کۆرۆنایێ، ئەو ئامادەنە بۆ لێدانا ھەر لڤینەکێ ب تایبەت ل وان دەڤەرێن داعش تێ دە مانە.

ب سەدەما سەر ژ نوو دیار بوونا داعشێ ل هنەک ناڤچەیان دە ل میحوەرێ گویر کو وەکە داوی خالێن پێشمەرگەیان ژ بۆ بەرگری کرن ژ خاکا کوردستانێ دهێن ناسکرن، پێشمەرگە مژوولی موکوم کرن و توندتر کرنا چەپەرێن خوە نە.

پێشمەرگە خوەیا دکن کو چاڤێن وان ل سەر هەر لڤینەکێ یە کو کەسەک یان ئالیەک ل وێ ناڤچەیێ ئەنجام بدەت، داوی خالا هێزێن پێشمەرگەیێن کوردستانێ ل وێ سنوورێ گوندێن عەرەبانن، کو چەندین جاران چەکدارێن رێخستنا تەرۆرێ یا داعشێ تێدە هاتینە دیتن و نها ئەڤ گوندە بوونە جهێ خوە ڤەشارتن و بنگەهێن تەرۆریستێن داعشێ.